محمد عبد الفتاح بدر يكتب لشباب مصر قصيدة جديدة عن مرارة الواقع بعد حكم الإخوان : هلفوت بيكلم هلفوت

هيفوت العمر
مايفوت
فرحان سكران
مكبوت
كلها اسامى للعيشه
ماحدش على راسه ريشه
كله بيساوى الموت
وانا ايه
وانت مين
هلفوت
بيكلم هلفوت
و مصرخلاص
متباعه
بنتخانق ليه
يا جماعه
بكره اللى جى
مجاعه
كله مبقاش بيشوف
وكله ملاه الخوف
وكله مجهزملتوف
والبنزين والولاعه
وفلول بتقول
الفقر
اهو جى يشوط
طول عمرى
فيها مدفون
والظلم كان
ب قانون
والعاقل كان بيخون
والكل جبان
او كان مجبون
مين كان له صوت
غير الموت
كان فيها
اللى مكفيها
بيقولو حميها حرميها
والشعب ده كله
فى تيها
بنهدها
ولا هنبنيها
مين فيكم لسه حببها
ومين اللى بيحسبها
واللى هيهرب ويسبها
واللى بيحسب
ماكسبها
ومين قال انا مبسوط
هلفوت بيهرج
واحنا بنضحك نتفرج
دلوقتى بيطلع صوت