كلمة لواحد حرامى

يا عم يا حرامى
يا سارق طعامى
فعلك دة اجرامى
لو كنت صحيح نظامى
تعالى واقف قدامى
لكن شكلك مش جرىء
وباين عليك مخاوى
جبان وضعيف وردىء
ولاكل الحرام غاوى
تسرق من العدو والصديق
بطريقة ما يعرفها الا حاوى
ولا يهمك تسيب كام غريق
فى الهم يقول غناوى
ما بيصعب عليك الزعيق
وانينهم اللى مطلع رغاوى
بكره يصيب دمك حريق
وما تلاقى جنبك مطافى
وان كان مفتوح لك طريق
هتسده جبال الدعاوى
وفى الاخرة كؤوس الصديد
ولحمك يطاطا ويخر هاوى
فكر فى حجم خطيئتك
وفكر اذاى بيطاطا فحم القهاوى
ما تجرب مرة واصدق
وقول يارب التوبة
وتكون اخر مرة تسرق
قبل الطوبة ما تيجى فى المعطوبة