من راس مبارك ل راس شفيق يا قلبى لا تحزن

يارب ميكونش كابوس ولا حلم مفزع وتجعله خير يارب .يارب نكون فى مصر فعلا مش فى بلد تانى غيرها بصراحة أنا مش مصدق اللى احنا كمصريين بنعمله فى بلدنا مصر أيه ده اللى حصل فى انتخابات الرئاسة الشعب اختار شفيق ؟ يعنى تتشال راس مبارك وتيجى راس شفيق والنظام هوه النظام ؟ رجالة مبارك زى ماهمه فى الشرطة والجيش والصحة والتعليم والمحليات كل اللى حصل شيلنا راس وحطينا راس والجسد زى ما هوه والراس الجديدة نسخة من القديمة وياريتك يا ثورة يا رحتى ولا جيتى وحرام دم الشهدا اللى راح هدر وعجبى عليكم يا مصريين !!!
******
( بأدبه واحترامه لنفسه ولوطنه : حمدين صباحى رئيسا لمصر )
بجد ومن غير مجاملة الراجل يستاهل كل خير ومحدش سمع له حس ولا تطاول على حد ولا اشترى أصوات زى غيره ولا نافق ولا كذب على حد زى غيره وكان بأمانة نموذج للإنسان المصرى المحترم الأصيل الذى ابتعد عن مزايدات الأخوان وتطاول الفلول واستحق أن يكون المكسب الكبير فى انتخابات الرئاسة وأكاد أجزم أنه سيكون فى المستقبل القريب رئيسا لمصر .