حكاية عصابة سرقت شعبنا

زمان انا وأخواتي ايام صغرنا
الأب جمعنا وزرع الحب في قلبنا
مصر محروسة والله كده قلنا
مرت علينا الأيام وكبرنا كلنا
نحب بلدنا ونفديها بدمنا
نزرع ونحصد من انتاج ارضنا
بس الخير ليه مكنش لنا
أقول الحكاية لأحفادنا من بعدنا
من ثلاثين سنة تولي أمرنا
عصابة كانت سبب همنا
كان اكبر همهم سرقتنا وذلنا
كبيرهم طيار يطير يطلع علينا
انتو كتير وعايز ياكل اكلنا
جعان وباصص لأكلنا وشربنا
فاهم انه مش هيموت قبلنا
الكفن من غير جيوب قلنا
خوفنا من حساب ربنا
خد الفلوس وده كان احسن لنا
وولدينه ماكانوش ولاد زينا
كل حاجه والله خدوها مننا
ياما قللوا وحطوا من شأننا
وياويلنا لو قلنا هاتوا حقنا
كان بيعمل قال من أجلنا
جاب الشريف والنظيف علشان يخمنا
وسرور وعبيد يزيدوا من غمنا
وحبيب صبح ومساءكان بيهدنا
ورشيد وغالي كانوا من حظنا
هربوا قوام وسابونا في فقرنا
ووالي الي كان كاره قمحنا
جاب أكل عايز بيه يسمنا
وامراض الدنيا اصابت جسمنا
ومحيي كان بصكوك حيصكنا
عملوا حزب ماكنش ابدا حزبنا
كانت عصابة بتسرق شعبنا
حتي الغاز ما وصلش حينا
لكن يوصل لإسرائيل عدونا
المهم في النهاية ضعفنا
لكن الدنيا شاهدت علي صبرنا
ودعينا عليهم وقلنا ياربنا
مين يمسح دمع خدنا
ويشيل الهم من ظهرنا
ورحنا الميدان بإصرارنا وعزمنا
وقلنا كفايه ابعدوا عننا
دي مصر بلدنا احنا لوحدنا
ضربوا الرصاص علي نور عنينا
وكل شهيد يبقي ابننا
دمه يعيد لنا حقنا ومجدنا
وجاء يناير وذاد فرحنا
بس الوهم ليه مالي عقلنا
الحرامية كانوا اسرع مننا
هربوا بخيرنا ومعاه عمرنا
عايز افهم 25 يناير كان لنا
ولا كانت ثورة ضدنا
الكل هجم عليها وخدوها مننا
أصبحوا ثوار بيتكلموا باسمنا
أحكي لكم من الأول حكايتنا
وتقولو لي نهايتهم تكون بدايتنا
ولا بفلوسهم بيكتبوا نهايتنا