يا متابع العورات ع الفيس وفى الخلوات هابلينك الستات ومشقلبين حالك ومضيعين مالك قولى بقى مالك؟ مانت حداك ستهم الضفر من رجلها يسوى الحريم كلهم يا خوفى يا مسكين يتردلك فى الست ف الأخت أو ف البت يجى شيطان الإنس يوزع هدايا الأُنس ع المحرومين منها ماانت غايب عنها فينكشف سترها ويتفضح أمرها وكل دا بإيدك وشهوتك سيدك يا ضحكة النسوان يا مسخة الإنسان رب العباد ديان حكمة 3كلمات قالها النبى العدنان "كما تدينُ تدان" روح ربنا يهديك على نيتك يديك احكم ملذاتك واحترم ذاتك احفظ كيان بيتك و صون بقى مراتك حتى من الهفوات وابعد عن الستات