خوفي

قادر بس قدرتي هزمها قلقي ويا خوفي
و دايما أعلق فشلي علي شماعة ظروفي
و خوف من بكره جهلي ببكره و لا فشلي في اليوم
و زاد جوايا الخوف و أتبنيت جبال الهموم
و كل خطوه في حياتي محوطها من ألف اتجاه الخوف
و الخوف ماشي معايا خطوة بخطوه و إيه أشوف
و يكسرني الخوف و أسيب نفسي وياه للظروف
و الخوف من المكتوب عليا كل ألم و حزن و هم أشوف
و خوفي ضعف مني و لا هي دي طبيعة الظروف
و هو الخوف مكتوب عليا و غيره عمري ما أشوف
و علي حالي دايما أغني و أعمل نفسي مبسوط
و صوت غنايا مكتوم و بقيود خوفي و فشلي مربوط
و كل فشل في حياتي سببه الخوف
و أقول آه لو بكره ليا معروف و طريقي ليا مكشوف
و ارجع أقول للنفسي يمكن لو عرفت بكره يزيد جوايا الخوف
دا جهلي ببكرة شيء من الرب الرءوف
و عمري اللي في الخوف مسلوب نفسي منه أفوق
و عينيا اللي دايما باصة لتحت عمرها ما بصت لفوق
و باب قلبي اللي دايما علي الخوف مقفول
و الجري ورا سراب و حلمي بالكنز المجهول
الخوف أصبح مأوي القلب و لنور ما شاف
الأحلام صبحت مستحيلة و العقل من الفشل خاف
و الخوف يكتم صوتي و من الكلام لساني خاف
و جعلني أعمي لطريق مستقبله عمره ما شاف
و القلب أصبح في خوفي كالصخرة الصماء
و الطموح جعلني أحلق و أغرد كالطيور في السماء
و القي نفسي ويا خوفي في أصعب ظروف
دا الطموح لهيب حياة يطرد من القلب الخوف
و اللسان لقي الحروف و الكلام بقي ليه معروف
و الطموح جوايا يحارب معايا حرب ضد الخوف
و نرفع رايتنا و أصرخ لا لخوف