لحن الوفاء

مشتاق وشوقى دوا
والعشق فين ألاقيه
ياللى حداكم دوا
نظرة حنان تراضيه
انا قلبى ليكم هوا
والشوق عليكم بيه
جميل وقلبه انكوى
والجرح طول فيه
امتى يجيلو الدوا
يرتاح بطول لياليه
لحن الوفا فيه وفا
قالوا لقلبى اعطيه
انا قلت فيك المحبة
وفيك الجمال واسقيه
صبولى كاس الهوا
أسكر بشربى فيه
واشوف بقلبى الجوى
ويتوه الأطبا فيه
وهدومى تبقى مرقعه
وكلامى إليه يشجيه
أصل المحبة مرصعه
ياقوت ومرجان من فيه
والورد عاش موضعه
والعشق فيه يشفيه
لحن الوفا فيك مجدعه
غناه فريد لياليه
غنوة قالوها فى ملحمة
ع الأوبرا رقص باليه
صبوا كاسات الهوا
ياهل الهوا نرضيه
د حبيبى شوقه الهوا
والعشق طول لياليه
همسه كتير الجوى
شوقه غرقت أنا فيه
وعزفت لحن الهوى
غنوا الجميع حواليه
اهل الروايع مملكة
منصور كتاب انا ليه
كتب كتابى الهوى
والعشق شوق أراضيه
وكتبت لحن الوفا
شوقى وعشت انا فيه
يا مين يجيب الدوا
أسقيه بشوقى واحكيه
واكتبه شعر الغزل
وليلى يطول واناجيه
ويهل بدر الدجى
يحلى السمر وانا فيه
د حبيبى روحه دوا
وانا عشقى دواه واحكيه
أهل المحبه تعلوا حبه
وشوفو حبى انا فيه
تلقى الجمال غنوته
ولحنى كتير بقه ليه
لحن الوفاء بسمته
وشوقى كتير وعليه
................................
لحن الوفاء#عامية بقلمى/إسماعيل مصطفى المحامى والشاعر.بلبيس.شرقية.مصر