إعلان هام ......

من رمش عيونى لرمش عيونك
الف تحية والف سلام
مع حبة شوق من الحنية
وعليهم ضحكة فيها غرام
من قلبى المسكين
لآحلى الحلوين
صاحبة أجمل بسمة من جوه العين
بكتبلك كلمة
ودى هاتبقى أخر كلمة
هاتكون أنذار والمدة يومين
أن كان البعد معاك أسمه الخوف
فلازم تعرف أن الشوق خلاص ملهوف
والنبض اللى كل يوم مكتوب علشانك
حالف من البوم هاينسى كسوف
وهايقولها للناس على المكشوف
بعد الآعلان فى صحف الآخبار
هاخلى حنينك ليا فى لهفة ونار
ووسط عيونك هاعملهالك ثورة
وهاشرب حبك من كاس صبار
وقبل ما اختم أعلانى الهام
راح أسكن روحك فى الآحلام
لحد ما ترسل ليا الرد
بوسة وحضن على الخدين
وبعض كلام
وأياكٍ تنسى همسة صوتك
وترددى ورايا.... أنا بروحى هويتك
وتنسى بقى شغل النوم
لآن أعلانى هايوصل بيتك
سلام مع الف مليون بوسة
يا أجمل ضحكة من البسبوسة
أصلى أنا بحضر أعلان تانى
ليكى يا قطة يا زغنطوطة
..................................
بقلم / محمد لبيب مصيلحى