قال لى صبى البانجو.... ياأستاذ أنا ناشط سياسى !!!!!!!!!!!

هو ........كان طالبآ بالمرحلة الاعدادية عندى فى المدرسة التى أعمل بها ...نم فصله من المدرسة لتكرار رسوبه فى المرحلة الاعدادية وعلى حسب معلوماتى انه حتى وقبل فصله معروفآ أنه يشرب البانجو ويعمل لدى معلم لا أعرفه يقوم ببيع البانجو له فى المنطقة التى أسكن فيها وكم من مرة رأيته بعد أن شرب البانجو بعد منتصف الليل كما يقولون فى الشارع فى حالة روقان ....وفجأة منذ أن قامت الثورة أختفى لأيام كثيرة وفجأة رايته وقد اشترى دراجة بخارية يجول بها المنطقة وعند شرائى لدواء هام من أجزاخانة قريبة من منزلى كان موجودآ هناك ولا أدرى ماذا كان يشترى ؟؟؟ القى هو السلام وبدأ دون استئذان أو موافقةالحديث معى :-
-يا أستاذ اننا نبذل مجهودات كبيرة لنبنى هذه البلد من جديد
- مجهودات وبناء ....ماهو عملك الآن بالظبط ؟؟؟؟؟؟؟؟؟؟
- يا أستاذ الا تعرفنى أنا هيما الناشط السياسى المعروف أشتركت فى موقعة محمد محمود وموقعة مجلس الوزراء
وموقعة ماسبيرو الكبرى اسمح لى حضرتك لاتفهم فى السياسة ولا آيه ؟؟؟؟؟؟؟؟؟؟؟؟؟؟؟؟؟؟؟؟
- أعذرنى أنا لا أفهم فى السياسة كثيرآ !!!!!!!!!!!!!!!!!!!!!!
- لذلك حضرتك لم تسمع عن هيما .....من ابطال ماسبيرو ومحمد محمود ومجلس الوزراء ولاتعرف اننى تمت أصابتى فى موقعة محمد محمود والمعلم بتاعى - المعلم بفتح الميم - هيطالب لى بوسام من الدولة لبطولتى الكبيرة فى موقعة مجلس الوزراء فأنا أول من أحرق المجمع بتاع اللغة دا اللى بيقولوا عليه
قلت ساخرآ :--
آه من حقك على فكرة ياهيما تاخد كمان نجمة سيناء
رد بلهفة :-
مش كده يا استاذ ...والنبى تقول الكلام دا لأبويا الحمار اللى مش فاهم حاجة ومش عايزنى اروح تانى
دا المواقع جاية كتير بالذات فى يناير والفلوس هتكتر وناوى اجيب لأمى وابويا شقة أكبر من الشقة الضيقة دى اللى عايشين فيها ......أنا وطنى بأحب مصر وبكره التاريخ هيكتب عنى كتير قوى أنا والمجموعة اللى معايا الواد سوكا
العجلاتى والبنت عنايات أنتكة اللى كانت بتبيع مناديل عند أول الطالبية والواد عماد ساطور اللى كان شغال عند المعلم تركى الجزار والواد اسماعيل غرزة اللى كان شغال عند ابو فاطمة بتاع البانجو اللى فى العمرانية
المعلم بتاعنا بيسمينا فرقة الارهاب الكبرى ولما الثورة تكمل ونقضى على الجيش هنعمل جيش جديد ويخلينى قائد فرقة فى الجيش الجديد
وجدت نفسى استمع ووجدت نفسى ايضآ أقاطعه قائلآ :--
ماتقولش قائد قول جنرال فرقة برتبة فريق !!!!!!!!!!!!!!!!!
- مش هتيجى معايا تفهم أبويا الحمار ؟؟؟؟؟؟؟؟؟؟؟؟؟؟؟؟؟؟؟؟
- اعذرنى يا هيما وقت تانى ان شاء الله
تركته وأنصرفت ووجدتنى لاأستطيع أن اتمالك نفسى من الضحك والقهقهة بصوت عالى
وقلت من أعماقى :----
لكى الله يا مصر .....لكى الله يا مصر