مجرد حلم

حلمى هو ان بكرا يكون احسن حلمى ان الحياة تكون افضل طيب كويس خالص وبعدين اصحى بقا من حلمك بسرعه علشان متتأخرش أتأخر على ايه شغلك ياعم انا مش بشتغل اصلا انا واقف فى طابور كبير اسمه العطلانين طاب ليه واقف معاهم انا لقيت كل الناس واقفه فوقفت معاهم امممممم طيب حقولك على حاجه كويسه انت ليه رابط نفسك بالناس دى دول صحابى اسيبهم ازاى انا اقولك تسيبهم ازاى قول ياعم وخلصنى ال يعنى مشغول اوى عموما ابدأ غير انت وحط ليك خطة وامشى عليها خطة ايوه ابدا اشتغل على نفسك شويه شوف سوق العمل محتاج ايه واشتغل على نفسك فيه طاب ودراستى فى الجامعه اعتقد مفيش داعى افكرك بترتيب جامعتك على مستوى العالم اسعى انت للتميز جرب افشل علشان تنجح وغامر واخسر علشان تعرف معنى الربح اخرج من دايرتك ال رسمتها وعشت جواها خلاص معدش وقت لازم تتحرك استغل طاقتك فى الصح الصح ياعم انا مش ماشى غلط دلوقتى مش ماشى بس ممكن بعدين تمشى اطلع من قوقعتك واسعى وراء اكل عيشك روح فى مجال قريب من دراستك واربط حياتك بناس ناجحه وعيش نجاحهم وحوله لواقع ليك .الحياه أفضل طريق متقتلش الامل جواك اطلع وصحصح ودور واسعى يعنى انت عايزنى مثلا اشتغل امن وليه لا فى مثل عند اصحابنا الصعايده بيقول اتجمز بالجميز لحد ما يجيلك التين اطلع اتجمز بقا حرام عليك شماعتك اتملت معدش مكان تحط فيه سلبياتك وظروفك اطلع حاول جرب اكسب واخسر انجح وافشل وقوم تانى ومتستناش