حال الدولة

احمد حسن
تخيل إنك بتشوف الشمس بنفسها . سابت اراضي البشر وراحت تدخل سجنها
تخيل إنك علي اوطانك بتكتب اشعار . لقيت اشعارك جاهزة لكن الوقت مش وقتها
مش عندي دولة ليها مكيال بميزان مضمون .. دولة رجال قانونها ابعد ناس عن القانون
حاكمها مبيعرفش الشعب غير قدام المايكرفون .. وبعد مايجي بياخد صلاحيات فرعون
شعب اكتر مابينتج يتكلم ع الماسونية ..ومن غير مايفهم دينوا بيطلب تبقي إسلامية
في الالفينات شريعتهم السارق يقطعوا إدية .. رغم ان لكل شرع حال واوضاع استثنائية
رسولنا قال لطبيق الحدود احكام .. وبرضوا قال علي التشدد اضعف الايمان
الثوره من بدايتها كانت للفقر وللاسعار .. معملتش ثوره حرب ومؤمنين ضد الكفار
ماتكدبش عليا وتيجي تقول انا مش فاهم .. ماتقولش عليا بحاربك وانت في نفس الوقت مسالم
تسألني انت مين بفخر اقولك انا الشعب , احب مصر وانت تحب رابعة بس تكون في القلب
اعتبرتونا كفار وانتوا الجهاديين , احنا ارخص بالنسبالكم من حلايب وشلاتيين
وبالنسبه للفئات المستجده بإسم الدين.. قال الرسول اتنين وسبعين فئه من امتي "في النار
بما انك شايفني كافر وبتستدعي الغرب .. التحدي انا قابلوا بس انت هتقف مع مين في الحرب
دي كانت الجولة الاولي واتحسمت جوة الميادين , في الجولة التانية العسكر والمؤيدين عراه وطبالين
رغم ان المشهد واضح هيشوفوا الخيانة فيا ,,, شالوا ديكتاتور وحشهم الديكتاتورية
يحيا الجيش ورجال الجيش يعيش الجيش ولكن ,, لولا ثورات العرب كان رصاصهم صدي في المخازن
من 3 سنين انا ساكت قالو جوكر خايف ,, كنتوا انتوا تشموا الغاز وانا بتنفس كل العواصف
انا حابب مصر تكون يابان وبالالوان بوليود . حابب يكونلها جيش سرية منه تقوم تمحي اليهود
وهما يحبوا راجل بيحب يغير في كلاموا ,,قالولنا كلاموا اتغير لمطالب الناس قداموا
ومن امتي كلام الناس كان بيفرق عند الطاغوت ,,لا والاكبر لسة مقتنعين منه بوعود
طاغوت مؤسسات عقيمة والدليل بنودوا ,, شوف مرتبات ظباطوا ومرتبات جنودوا
شوف مين فينا عايش علي نفقة الدولة , وشوف مين الغلبان اللي بيموت مقتول في حدودو
يا يغيبونا يا يورونا العين الحمرة ,, اعلام يسقط لو متكلمش في نظرية مؤامرة
الجهل سيطر علي نبض الامة الجبارة ,,بيقتل فيهم وفي نظرهم احسن من جيفارا
سلطات بتنهي تاريخ الصلاحية والشعب شارب , بلد مبتتقدمش غير تحت حكم الاجانب
لحظة , مبتكلمش علي اجانب الاستعمار , بتكلم علي اجانب عرب فعلا حاربوا الكفار
زي سيدنا موسي ويوسف وزي احمس وصلاح الدين ,, زي قطز وزي ما إنتصر بيبرس ع الصليبين
لكن اللي كانوا من البلد وحكموا البلد بدأوا الفشل ,, بدأ عهد الكلام وهد كل عهود العمل
الكل بقي مستني المهدي عشان تيسير الحال ,, مبقيناش مستغربين من قصة الدجال
قولنا ازاي يؤمن بيه ناس واحنا عارفين طباعوا ,, ركز حواليك كويس وانت تعرف مين اتباعوا
اصرخ في وش الطاغي وقول ياحكومة انا مش محكوم , انا فرض في المجتمع وللمجتمع قانون
انا ضد اي مبدأ بيقول إن العسكر اكفأ ,, لو كلامك صح كان واحد من اللي قبلك اصدق