هات إيدك ياخويا .....مصر جراحها بتنادي ؟؟

هات إيدك ياخويا
خلينا للبر نعدّي
دي مصر أمك
ياولد والله وأمي
تاهت مراكبنا
وعلينا مصر بتنادي
ليه بالفوضى إتشغلتوا
ياولادي النهاردة عني ؟؟
أنا شايفة يابني ظلك
خليني أبصّ للصورة
إرخوا شوية إيدكم
عن مصر يالا يا إخواني
وطبع الأصالة فينا
خلّي قلبك على قلبي
إفهم مهما حصل دمّك
هوّ ياإبن عمّي ... دمّي
مسلم .... مسيحي
إسكندراني .... وأسواني
شرقاوي ... ونوبي
مهما جرى إنتو برضو
والله ... إخواني
عمر الدم ما يبقى
ياعالم صدقّوا .....ميّة
واللي شرب من نيلك
لازم يرجع لك
يامصر من تاني
واللي تربى بحضنك
عمره ما يخونك
ومستحيل أغيّر والله
لغير قلبك مساري
ولو تجوز الصلاة
لغير رّب الخلايق
كل وقت لأركع لك
وأبوس إيدك
يا أم الغوالي
أنا مصري وهفّضل
أعتّز بكل ما فيكي
ماتخفيش ياغالية
ده إنت أغلى من
كل شيء غالي
ده إحنا بس يا أمّي
شوية بندّلع عليك
بكره أفكرك ياللي
ماغبتي لحظة عن بالي
عمرالطوفان مهما على
جسمك الطاهر علّي
تفضل خدودنا مداس
دوم يامصر تحت أقدامك
أنا إبنك وإنت تفضّلي أمي
ضمنينا يالا بحضنك
مهما بينّا حصل
إحنا برضو أولادك
ونسعى للموت
بكل فخر... وعّز ... ورضا
ومش هيضّمنا
يامحروسة والله غير
حضنك ...وترابك
وعلمك هيفضل مرفوع
رغم كيد العدا
منصورة حتى في عّز
أسوأ .... أحداثك
ده إنتي أم الدنيا !!
واللي يقول عنك غير كده
يبقى مايستحقش إنك
ثانية تضميّه بأحضانك
هات إيدك ياخويا بسرعة
خلينا بأمنا نعدّي
مصر جراحها نادتنا
جايين لعيونك ياغالية
وكلنا فدا لذرة من ترابك