أرسم للأمل صورة

كنت واقف آه هناك
أرسم للأمل صورة
ذي اللي كانوا واقفين هناك
من غير دموع مكسورة
شعب ناضل بالكفاح
شعب خلي الليل صباح
قتل الخوف جواه وراح
راح ينادي
مصر حرة وتعيش منصورة
راح يقول مات السكات
والشهيد أبدا ما مات
حق أمة جاي وآت
ولو الحرية ثمنها دم
يبقي أسألوا الصورة
كنت واقف في الميدان
شفت بنات وشباب جدعان
اللي واقف واجهه كم رصاصة
واللي الغدر صابه بكم رصاصة
والخلاصة أنه مات مات شهيد
وبدمه رسم للأمل صورة
الصورة فيها أحلام
حلم شاب ضحي بحياته
لأجل وطنه وتعيش بلاده
ومهما أتحداه رصاص
مصر كتبت أبنها
النهاردة عيد ميلاده
حلم أب عاش المصير
جوه عتمة خوف وويل
ما بين فساد ومفسدين
سمع الولاد بتصرخ
أنتفض وقال كفاية
موتنا أقتلونا
بس الخضوع بقي مستحيل
حلم أم رفعت أيديها للسماء
وقالت يارب
يحمي ضناها من الوحوش
بكت في صورة
والدمعة كانت هيه الرتوش
ومعاها بسمة للشهيد
تحمل أمال كل الشباب
ومعاها حضن مليان حنان
رسم الفرحة علي الوشوش
حلم بنت شافت صباها في مصر
رفعت علمها وصرخت
والصرخة كانت نصر
يالا أفرحي يا غالية الغاليين
شمس سماك نورت بثورة الملايين
تاريخ ولأدك أنكتب
بثورتين الأولي كانت شابة
والتانية عدلت الموازيين
الصورة فيها أحلام
حلم طفل نفسه في بكرة يبقي جاي
بالعدالة والكرامة والإنسانية
والمستقبل يحضنه حضنة قوية
ويسعده ويفرحه ويعرفه
مين اللي باع ومين اللي خان
ومين اللي ضحي
لأجل يتولد في عينيه صباح
الصورة فيها أحلام
حلم شعب حلم أمة
ثورة قامت ضد عامه
من حرامي سرق بلادي
ولا حاكم مستبد ضيع ولأدي
ولا كرباج سليط
وأنتوا عارفين الأعادي
ثورتنا عظيمة وواضحة
وشرارتها كانوا شباب
وأتسرقت في عز الفرحة
في أيد جماعة إرهاب
واتحدنا في صورة تانية
ملايين كست الشوارع
وأعلام زينت البيوت
وحلم شعبك يا مصر باقي
في صورة أخيرة جميلة
تعيشي أنتي وإحنا نموت
...............
أمين الأعلام حزب شباب مصر بإدكو البحيرة