المجاعة

لما قلنا
الدولة عايشة فى مجاعة
قلتم كدابين دى مجرد اشاعه
والراديو التلفزيون
اقرو الكدب فى الاذاعة
وزورتم اوراق رسمية
وعملتم شعب كامل تسلية
وسرقتم ساعة الضهرية
وسجنتم اللى قال الحق
وحميتوا كل الحرامية
وعملتم بالغش بيان
ورميتم الناس بالبهتان
وعذبتم اغلى الشبان
علشان مرة واحدة قالو لأ
شافو ظلم السجان
واللى يقول عندى مشكلة فى السكن
ومن حقى احمى الوطن
راح عمره هدر واتسجن
ورموه جوه شق
وكانت راسه هى التمن