" لدينا خطة جديدة لتطوير التعليم الفترة القادمة " مقولة أصبحت تتردد على لسان كل وزير جديد، ولكن تظل المقولة كلام بدون أفعال، فمشروع الدكتور هاني سويلم أستاذ التنمية المستدامة وإدارة الموارد المائية العالمي وعضو الاتحاد الأوروبي عن اليونسكو، عبارة عن كتاب إرشادي يتضمن منهج ينتهجه المُعلم لتبسيط المعلومة للطالب، وربط المُتعة والترفيه بالتعليم، والابتعاد تمامًا عن الحفظ وغرز حب التعليم داخل الطفل بأقل التكاليف وأبسط الإمكانيات المُتاحة، حيث تم إعداد الكتب لتدريس التنمية المستدامة للطلاب، وهى إضافة للمنهج الدراسي، وتوضح للمدرس كيفية شرح منهج الوزارة للطلاب بطريقة التنمية المستدامة وتوفير الطاقة وتغير أسلوب الحياة. فدكتور هاني عالم مصري استعانت به ألمانيا لتطوير تعليمها فاستطاع أن يكون علامة فارقة في نظام التعليم الألماني، لكن غيرته على وطنه جعلته يفكر في مشروع لتطوير تعليم بلده ولا يُكلف الدولة مبالغ باهظة وأن يكون بالإمكانيات المُتاحة للتعليم المصري؛ فلوطنه عليه حق فما كان عليه إلا أنه حمل مشروعه على عاتقه وبداخله شغف وحماس لتحقيق رسالته ورؤية مستقبل التعليم في وطنه يتطور، لكنه صُدم من رد فعل المسؤولين. فمر حوالي ثمانية أعوام على هذا المشروع وأيضًا مر على وزارة التعليم ما يقرب من عشر وزراء، ومع عرض المشروع على كل وزير ينتهي اللقاء بفنجان قهوة، فيقول دكتور هاني أنه شرب ستة فناجين قهوة مع ست وزراء مختلفين والنتيجة أنه لم يستجب أي مسئول لهذا المشروع الذي ربما يُغير مسار التعليم في مصر، فربما نحن بحاجة إلى تغيير البُن لعمل قهوة جديدة. ولخض الدكتور هاني قصته مع قهوة الوزراء في الديالوج التالي: مكتب الوزير: ألو أنا: نعم مكتب الوزير: د هاني؟ أنا: أيوة يا فندم تحت أمرك مكتب الوزير: هنا مكتب معالي وزير التعليم أنا:أهلاً يا فندم أؤمر مكتب الوزير: معالي الوزير سمع عن مشروع حضرتك لتطوير التعليم في المدارس الحكومية وعايز يقابل حضرتك في أسرع وقت .... حضرتك نازل مصر امتي؟ أنا: أنا ممكن أنزل مخصوص لو الموضوع هيخد شكل جاد .. مكتب الوزير: جد أيه أنا بقول لحضرتك معالي الوزير بنفسه مهتم ... نزلنا و روحنا مكتب الوزير....... مكتب الوزير: قهوة حضرتك إيه أنا: مظبوط يا فندم الوزير: أهلا يا دكتور هاني أيه الشغل الرائع ده أنا سمعت كل حاجة و سألت و عرفت إن ده مشروع ناجح في الوصول للمدرسين و توصيل المعلومة للطلبة بأقل التكاليف و الأطفال بتحب الدراسة بالطريقة بتاعتكم ده الأطفال بقت بتحب المدرسة و المدرسين طايرين من السعادة باللي تعلموه من التدريب والكتب إلي حضرتك و فريق العمل عملتوها أطفال مصر كلها و مدرسيها لازم يستفيدوا من المشروع ده و يتم تعميمه في جميع المدارس. أنا: الله يخليك يا فندم أخيرا الشغل هيشوف النور أخيرا مشروعنا هيتم نشره في مصر ده احنا من 2009 و احنا شغالين فيه و معانا 40 أستاذ جامعة و مدرس ... الوزير: تأمرني و تطلب إيه .. أنا: مش عايز حاجة خالص انتم عايزين مني إيه أنا هديلكم كل الكتب إلي عندي ببلاش و النسخه الإنجليزي موجودة علي ال-iBookببلاش و أنا تحت أمركم .... الوزير: لا اطمن كام يوم و هتسمع إن في إجراءات لتطبيق كل الشغل ده ... ........... وتمر الأيام و تمر و تمر و لا حاجة .... غير مدام لميس بتقول إن في وزير جديد .... مكتب الوزير: ألو أنا: نعم مكتب الوزير: د هاني؟ أنا: أيوة يا فندم تحت أمرك مكتب الوزير: هنا مكتب معالي وزير التعليم أنا:أهلاً يا فندم أؤمر مكتب الوزير: معالي الوزير سمع عن مشروع حضرتك لتطوير التعليم في ............. شربت لغاية دلوقتي 6 قهوة مظبوط بس والله منا شارب قهوة تاني ..... 0