كلام بنات .. حياتك × شنطة يدك !

موضوع شنطة اليد ليس سهلاً كما تتخيل معظم البنات ، وحتى تعرفين الشنطة اللي تليق على شخصيتك وملابسك وتتلائم مع المكان والمناسبة .. تابعي حوارنا التالي مع الأستايلست هبة العبد .
• كتير من البنات بيكون لبسها شيك جدا لكن الشنطة مش لايقة عليها .. ليه ؟
فيه حاجات المفروض البنت تاخد بالها منها وهي بتشتري الشنطة وبتفرق جدا في " اللوك " الخاص بها ، ومبدئيا .. لا أنصح بأن تشتري الشنطة قبل شراء الملابس لأنه من الصعب جدا أن توفقين لها ملابس مناسبة .
ازاي كل بنت تختار الشنطة التى تليق عليها ؟
في البداية لازم نرجع نتكلم تاني عن الملابس ، الشنطة لازم تناسب الأستيل العام فإذا كنت سترتدين كاجوال لازم تكون الشنطة كاجوال ولا يناسبها الكلاسيك ابدا ، و اعرفي أن الشنطة مش لازم تبقى من نفس لون ملابسك لكن لازم تكون لايقة عليها .
##
هل ملائمة الشنطة الحذاء أهم من ملائمتها للملابس ؟
من الممكن أن تختلف الوان الحذاء و الشنطة عن الملابس و لكن يجب ان يكون هناك تناسب بينهما ، فمثلا نجد بنات ترتدي فستاناً اسود والحذاء و الشنطة لونهم أحمر .. طبعاً صعب جدا انك ترتدي ملابس فيها أكثر من لون و الحذاء و الشنطة لونهما مختلف ، هذا لن يكون مناسباً إلا في الحفلات التنكرية ! .
أزاي الشنطة ممكن تداري عيوب الجسم ؟
على فكرة الشنطة تلعب دوراً مهماً جدا في اخفاء عيوب الجسم أو اظهارها ، فمثلا لو كانت البنت بدينة فأنسب شنطة لها هي الشنطة الكبيرة التى تصل لمنطفة الوسط عشان لتداري اكبر جزء من الجسم الممتلئ ، واذا كنت من أصحاب الجسم نحيف و طويلة فاختاري شنطة كبيرة و لكن بشرط ان تكون يدها قصيرة لأنها اذا كانت طويلة ستكسبك طولاً أكثر ، و اذا كنت نحيفة و قصيرة فاختاري شنطة قصيرة ويدها قصيرة و يفضل أن يكون حجمها أصغر .
##
وازاي نختار الشنطة بحيث تتناسب مع المكان الذى سنذهب إليه ؟
طبعا كل مكان و له شنطته .. لازم في البداية تحددين الهدف من هذه الشنطة ، يعني اذا كنت طالبة في الجامعة فالشنطة الكبيرة التي نجد بها العديد من الجيوب مناسبة لك جدا والأفضل أن تكون مصنوعة من القماش او الجلد حتى تتحمل مشقة الجامعة وتكفي ايضا لإحتياجاتك ، اما اذا كنت في فسحة عادية فمن الأفضل أن تكون الشنطة كاجوال حتى تتحركين بسهولة .
اذا تحدثنا عن السواريه .. ما شكل الشنطة السواريه و مواصفاتها ؟
شنطة السواريه يجب أن تكون مميزة جدا لأنها عنصر هام و مكمل للفستان السواريه ، و الأجمل و الأنسب في شنط السواريه هي الشنط الصغيرة غير الملفتة حتى يكون التركيز بشكل كامل على الفستان و ليس على اي تفاصيل اخرى و لكن لا نستطيع أن ننكر انها عنصر مكمل هام جدا لأناقة الأستايل بشكل كامل
##
ما هي موضة شنط 2012 ؟
القلوب هي كلمة السر في موضة شنط 2012 و تكون مناسبة جدا للبنات في الجامعة وفي الخروجات ليلاً مع استراسات خفيفة ، و الألوان طبعا الأوف وايت مع الفوشيا و الأوف وايت مع البني و اللون الرائع الذي سيكون دارجاً هذا الموسم هو اللون الوردي مع اللون البني ، و الأزرق مع اللبني الفاتح .