بالفيديو .."كبدة و أم على " في مطبخ "رما " !

مع ثاني حلقة من حلقات " مطبخ كلام بنات "
.. سنواصل مهمتنا لتكوني " شاطرة و لهلوبة " في المطبخ ، واليوم سينكون مع " رما رماح – 20سنة " والتي ستعمل لنا اكلة سهلة جداً و هي " الكبدة المقلية " مع سلطة الزبادي و سلطة الطحينة .. و كمان هتخلينا نحلي بأكلة " أم علي " ..
الكبدة المقلية
المقادير :
• نصف كيلو كبدة .
• حزمة بقدونس للتزيين .
• 6 فصوص ثوم للتتبيلة .
• 2 قرن فلفل أخضر مفروم لتتبيل الكبدة أيضا .
• لمونتين و عصرهم جيدا على الكبدة .
• ملح و فلفل أسود .
• ردة و دقيق .
الخطوات :
• أول حاجة انقعي الكبدة في التتبيلة قبلها بيوم ، عشان طعمها بيكون اقوى في الكبدة و طبعا التتبيلة عبارة عن 6 فصوص ثوم و قرنين فلفل مفرومين مع لمونتين اعصريهم كويس جدا على الكبدة
• بعد كدة حطي شوية دقيق على الردة اللي هنستخدمها مع الكبدة عشان القشرة الخارجية ماتفكش من الكبدة نفسها .
• و بعدين تجيبي طاسة غويطة و تمليها زيت و تسخنيه بس مايغليش لأن الكبدة بتستوي بسرعة فمتتحرقش منك في اثناء وجودها علي النار .
• طبعا بعد ما نطلع الكبدة من الطاسة نحطها على ورق عشان يمتص الزيت الزيادة و بعدها نحط على البقدونس للتزيين .
و طبعا الكبدة المقلية بالردة اتعودنا كلنا اننا ناكلها مع سلطة الطحينة و سلطة الزبادي و طريقتهم سهلة جدا مش هتاخد أكثر من دقيقة و طريقتهم كالتالي :
• سلطة الطحينة : هتجيبي معلقتين طحينة و تحطي عليهم فص ثوم و قرن فلفل أخضر" مفرومين طبعا " و شوية مياه صغيرين و معلقة خل صغيرة و تقلبي كويس و طبعا تقدري تضيفي مياة ثاني حسب القوام اللي انت بتحبيه للطحينة .
• سلطة الزبادي : هي عبارة عن علبة زبادي و نضيف عليها الثوم و الفلفل المفروم ذي سلطة الطحينة و لكن بنضيف عليها الخيار و نقلب لحد ما تكون سايلة شوية و هي سهلة جدا ذي ما شوفتي .
و دلوقتي هنعمل طبق حلو و هو " أم علي "
الطريقة
• نجيب " ممفيه " جاهز و نكسره قطع صغيرة .
• بعد كدة نضيف 2 كوب لبن ساخن مسكر على الممفيه و طبعا نضيف على وجهها طبقة من " الكريم جانتيه " و نضعها داخل فرن حرارته متوسطة لمدة 15 دقيقة " لحد ما وشها يحمر شوية " .
##