طريقة عمل الدجاج المشوي بالطماطم و الزعتر

وقت التحضير : 15 دقيقة
وقت الطهي : 30 دقيقة
الوقت الكلى : 45 دقيقة
عدد الاشخاص: 4
المقادير
* 4 x عدد فص ثوم مهروس
* 1 x معلقة صغيرة فلفل اسود مطحون
* 1 x عدد دجاجة (صغيرة بيضاء)
* 1 x عدد طماطم
* 1 x معلقة صغيرة روزمارى
* 1 x معلقة صغيرة زعتر
* 1 x معلقة صغيرة ملح
* 1 x كوب (140 جرام) زبادي
* 1 x عدد ليمونة
* ¼ x كوب (240 مللى) زيت ذرة
* ¼ x كوب (140 جرام) بقدونس طازج (مفروم)
الخطوات
1. هنضف الدجاجة و نفتحها من الظهر بجوار السلسلة و نفردها و بعدين ندقها شوية من الداخل.
2. بعد كده نغسلها كويس و و نغرسها بسكين حامي في عدة اماكن مختلفة علشان تتشرب التتبيلة .
3. في طبق غويط هنضع الثوم و الزيت و الليمون و الزبادي و الملح و الفلفل و الزعتر و الروزماري .
4. و بعدين هنقشر الطماطم و نضربها في الخلاط و نضيفها على الخليط السابق و نتبل به الدجاجة و نسيبها لمدة ساعه .
5. و دلوقتي هنشوي الدجاجة و نراعي رشها من وقت لأخر بالتتبيلة بتاعتها علشان تفضل طرية و بعد ما تستوي نقدمها على طبق مفروش بالبقدونس المفروم و بألف هنا .