أختارى على ذوقك .. جزمة فار ولا رجل حصان ؟!

النهاردة هنقدم لكم أغرب أحذية ممكن تشوفوها في حياتكم ... و بالرغم من صعوبة تداولها في السوق المصري الا اننا بنأكد لكم أن الموضة مالهاش كبير ... فبمنتهى البساطة ممكن تلاقي الجزم دي في السوق السنة الجاية... والجميل في الجزم دي أن ميولك و شخصيتك هي اللي هتحدد نوع جزمتك ...
أحذية الأرجل النظيفة
طبعا النوع ده من الأحذية صعب جدا يتلبس في الشوارع المصرية ... و ممكن بجد يكون مناسب جدا للأماكن النظيفة و ممكن تجربيه في البيت .
أحذية التكنولوجيا
أما النوعية دي من الأحذية مناسبة جدا للبنات اللي مزاجهم تكنولوجي و محبي للكل ما هو حديث خاصة في التليفونات و اجهزة ال mb3 .
أحذية الحيوانات
و لو كنتى من محبي تربية الحيوانات الأليفة ... هتلاقي أشكال و الوان من الأحذية اللي بتاخد من طابع الحيوانات شكل رئيسي ليها ذي السمك و الطاووس وغيرها .
احذية النباتين
النوع ده من الأحذية كان اجملهم شكلا و هو مناسب جدا للبنات اللي بتحب الطبيعة و الخضرة بكل أشكالها و انوعها .
أحذية السيارة
لو ماكنش عندك عربية ... و لا تزعلي نفسك ... هتلاقي في الأحذية دي موديلات عربيات كثيرة جدا بس انت اختاري بتفضليها هاتش باك و لا سيدان .
احذية الحر
الموديلات دي ما تنفعش غير في الحر ، لأن التهوية فيها من كل مكان في الرجل و ده طبعا مناسب جدا بشهور الصيف الطويلة .
أحذية القصيرين
و لو كنتي قصيرة و قصرك مسببلك مشكلة في حياتك و لا يهمك ، خلاص الموضوع انتهى و الموديلات دي هتحل مشكلتك ببساطة .
أحذية الرعب
ولو كنت من نوعية البنات اللي بتحب افلام الرعب ... فموديلات السنة دي غريبة و مرعبة جدا و هتلاقى كل الأشكال المخيفة فيها ...