" حشيش العيد الله يخرب بيوتكم".. " ممكن تدلونى على ديلر حشيش يكون أمين".. " بانجو وحشيش وسهر وأوعي العيد يا عم الحاج".. هذه الجمل لم أسمعها على مقهى أو في غرزة.. ولكن لن تصدقوا إذا عرفتم أن هذه تعليقات المواطنين على صفحة وزارة الداخلية على الفيس بوك.. فتتواصل وزارة الداخلية مع المواطنين على الصفحة من خلال آخر أخبار عملياتهم، وبعض الآراء، ولكن أخبار القبض على تاجر مخدرات أو ضبط كميات الحشيش والمخدرات تثير جدلا كبيرا في تعليقات المواطنين عليها، فقبل العيد ذكر أحد قائلا: "حشيش العيد الله يخرب بيوتكم" وآخر قال" ضيعتوا علينا فرحة العيد"، وغيرها من التعليقات. الأزمة الأكبر عندما كتب أدمن الصفحة "كل سنة وأنتم طيبين.. هتعملوا ايه النهاردة؟"، وكانت الردود الصادمة كالتالي: - الحشيش تمام والدماغ اتظبطت وكل سنه وانتي طيبه يا حكومه هههههههههههههههههههههه - لو حلال ادينا بنشربه ولو حرام ادينا بنحرقه - كان لازم تنزلوا مع البوست ده بوكسين وعربية ترحيلات - الحشيش مكسر الدنيا هههه هانعمل ايه يعني اكيد بنشرب حشيش - عندما تُعشق المخدرات :)) - مصر بتحشش و تهرج...و الداخليه واقفه بتتفرج :D:D - سلمولي ع الوزير وقولوله المعلم شريف بيسلم عليك وباعتلك الجوينت دة هديه يطرقعوا لوحدوا ... كلوا من جيب الحكومة ومش دافع فيه فلوس - هااااااااااااار اسود فيه ايه يا جماعه احنا داخلين غرزة صباح التحشيش يا حكومه - عمو ياظابط انا مشربتش حشيش زى العيال الوحشين دول ....! - خبر عاجلا ورد منذ قليل هذا الخبر...تم اضافة الدعم على كافة انواع الحشيش المضروب منه و السليم وان شاء الله يا جدعان هينزل على بطاقة التموين الشهر الجاى او ممكن تجيبوا من اى فرن عيش بيكون علي كل رغيف صباع حشيش اهم حاجة انك تتاكد عليه ختم وزارة الداخلية ولو ملقتش اتصل فورا باقرب مركز شرطة ليك - وربنا الناس دى مش مصدقه انها بتكلم الداخليه انا برىء يابيه والله ماعرف الناس بتاعت الحشيش دى لو عايز بنجو 5 دقايق ااقضيلك المصلحه =D=D - بصراحة بصراحة انا وصحابى عاملين قاعدة ضرب ميا ميا كلها حشيش وبانجوا ما تتفضلوا معانا مش عايزين كسوف البيت بيتكم - والله البوست ده والكومنتات الى فيه للتاريخ - أنباء عن ارتفاع اسعار الحشيش فى البورصه المصريه عليه العوض ومنه العوض لفيلنا خبورين يبنى قبل ما يحصله ازمه زى البنزين والجاز =D=D - السوال هنا انتوا ياداخليه هتعملوا ايه النهاردة وانتوا عارفين اماكن التوزيع وانا والله امبارح فى امبابه عند المحكمه كنت مع واحد صاحبى بيشترى مخدرات عينى عينك كدة فى الشارع والشارع كله كدة انتى بقى يادخليه هتعملى ايه او عملتى ايه هوة دة السوال وانتوا عارفين اماكن التوزيع ولا اى حاجه بتحصل !!!!!!!!!!!!!!!!!!! - يا جدعان ردودكم دى حتخلى وزير الداخلية يجيب بتوع مكافحة المخدرات من اجازة العيد ومش هنعرف نجبيب اى حاجه ........معلش(( يا باشا)) الناس دى كلها بتهزار :d - هروح اجيب حشيش واكمل على ربع الصباع اللى باقى من امبارح ونضربهم - انا حششت وبيرت يا ادمن وشكرا والصراحة الحكومة بيبقى مفيش احسن منها يوم الوقفة لانها ااساسا ممكن تقبض على نص الشعب تقريبا كل وقفة - هشرب حشيش حاجة تيجى كدة مفيش حاجة تيجى كدة ونرجع تانى زى زمان ياابنى اسمعنى هتشربنى كمان وكمان - احتمال احشش ولو ملقتش حشيش في المنزله هروح ع الجماليه ولو مالقيتش في الجماليه اضرب بانجو وامري لله هذا جزء من التعليقات.. مع الوضع في الاعتبار أن المسئول عن الصفحة يستطيع التحكم في مثل هذه التعليقات بحذفها لأنه من غير اللائق أن يكون هذا هو مستوى الحوار بين الشعب ووزارة الداخلية .. قول رأيك...