عمرو حمزاوي: حق الشهداء يضيع !

في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
وائل خليل: مستويات التحرك متعددة ولا يجب ان نتزاحم جميعا في احداها- هناك مقترح مجلس رئاسي وتغيير المسار- وهناك مقترح عزل شفيق - وهناك الضمانات من مرسي
علاء عبد الفتاح: مفيش حد من المرشحين في مصلحته مجلس رئاسي، مفيش لسه زخم في الشارع كافي لانتزاع السلطة، خليهم بس يبقوا جبهة موحدة الأول و نشوف نقدر نفرض ايه
أحمد ماهر: ودخلنا فى نفس الجدل والمعضلات بتوع زمان . ورجعنا نسمع كلمة فيها لأخفيها..ويا انا لوحدى يا اما بلاش خالص
أحمد العسيلي: عندما يكون العيبُ ليس تُهمة، إعرف أنّه منتشر!
أحمد سبايدر: اتخنقت منك يا مصر ومابقيتش طايق اقعد فيكي هو انا في يوم خنتك او لعبت بيكي
عمرو حمزاوي: حق الشهداء يضيع ويجب إنشاء لجنة للعدل والإنصاف
عمرو واكد: العفو لسذاجتي بس مش فاهم كيف تعترض على سيناريو محاكمة مبارك وأعوانه وفي نفس الوقت ترى أنك إيجابي حين تثق في سيناريو لجنة إنتخاباته؟
خالد دياب: لو الاخوان فاكرين نزولهم مع الثوار ضد محاكمة مبارك هيغير وجهة نظر الناس يبقي بيستهينو بذكاء الشعب الي عايز مد ايد حقيقي للقوي الثورية.
باسم يوسف: اللي بيقول طب كانت ايه لزمتها الثورة،طب والله احنا اتعرفنا على بعض و كانت معرفة لطيفة خالص، موبيلات بقى
د. محمد حبيب: الشعب الذى قام بثورة اثارت إعجاب الزعماء والقادة فى كل أنحاء الدنيا، قادر على ان يصنعها من جديد
محمد يسري: الإخوان: أنا هجرب حظي فالإنتخابات ولو مأخدتش الحكم قشطة الثورة مع بعض علشان أخد الحكم برضه...بيس؟
خالد النبوي: المجد لشهداء والثوره فى الميدان ومانكررش غلطه 11 فبراير
محمد فتحي: طيب.. ماكنتش عايز اتكلم في الموضوع ده انما لازم نتكلم.. أنا بحب المخابرات..قولوا اهبل قولوا بتاع أدهم صبري بس بحبها، ولازم تعمل حاجة محترمة
محمد محسوب: نحن لا نريد إسقاط الدولة بل تحريرها من اتباع النظام السابق سلميا ودون انتقام. وأنا لقادرون كما فعلناها أول مرة
نوارة نجم: البرادعي? البرادعي ده حبيب قلبي انااااا بس والنبي بقى نجحوا الثورة قبل ما يروح منا في شربة مية انتوا نقطوه بصراحة ههههه.. ثم ان البرادعي ماعندوش غرف مغلقة ده فتان وبيقول كل حاجة عشان كده المجلس العسكري مخنوق منه
وائل غنيم: ليس ابتزازا بل مطالب مشروعة! بدلا من أن تلوموا المقاطعين، احرصوا على نيل ثقتهم!
وائل عباس: فيه اشاعات عن انقلاب داخلي في الاخوان وتعيين خيرت الشاطر مرشد بدل من بديع حد عنده معلومات ؟؟؟
سلمي صباحي: ولابد من يوم معلوم تترد فيه المظالم أبيض على كل مظلوم واسود على كل ظالم
جابر القرموطي: عكاشة بيقول اللى ماسكين حملة شفيق : لو ما جبتوش إعلانات لى حاخليكم تعدوا فلنكات السكة الحديد ..
حمدين صباحي: مسئوليتى الوطنية تحتم على البقاء فى مصر فى ظل تصاعد الأحداث للسعى فى الوصول لتوافق وطنى يحقق أهداف الثورة
دعاء سلطان: الشفيق: القاهرة ستظل عاصمة مصر.. ومحافظة قنا في الصعيد وطنطا في الدلتا‎:)
عمر طاهر: أنا دعيت ل لا فى الإستفتاء و ل الثورة مستمرة فى البرلمان و ل حمدين فى الرئاسة .. أى حد يجى يقولى أنت شخصية عامة و الناس بتتأثر برأيك هاغزه