من سلمى حمدين صباحي إلى الإخوان المسلمين : عيب عليكوا !!

انتقدت الأعلامية الشابة سلمى صباحي ابنه المرشح الرئاسي السابق حمدين صباحي موقف جماعة الأخوان المسلمين من والدها و اتهامه بأن عدم دعمه للمرشح محمد مرسي يعني دعمه لأحمد شفيق ..
وعلقت على هذا الأمر علي حسابها الخاص علي " الفيس بوك " وقالت: حمدين صباحي ماغيرش كلامه ابدا و مش ضد مشاركة الأخوان و لكن ضد هيمنه تيار واحد على مصر و ده كلامه طول عمره و اتحدى اي يحد يطلع كلام لحمدين بيقول فيه كلام تاني غير ده !!
سلمى حمدين صباحي
و أضافت قائلة : اكبر دليل على انه مع مشاركة كل القوى الوطنية بما فيهم الأخوان ان حزب الكرامة في انتخابات مجلس الشعب كان في قايمة واحدة مع حزب الحرية و العدالة مع ان في الوقت ده حمدين كان ساب رئاسة الحزب اصلا و القرار ماكنش قراره لأنه مش .. ديكتاتور لكنه لم يمانع وقتها توسما في الأخوان الصدق !
و انتقدت اداء الأخوان في تعليقها قائلة : بعد ما كلنا شوفنا اداء الأخوان في مجلس الشعب لعتقد ان صعب تثق فيهم لرئاسة بلدنا و الأستحواذ على كل القوى التنفيذية و التشريعية ؟!
و أوضحت موقف والدها قائلة : موقف حمدين واضح جدا ضد احمد شفيق و كان رافض ترشحه من الأساس و اعتبره إهانة للثورة و خيانة لدم الشهداء !!
و تحدثت ايضا عن موقفها من تأييد شفيق قائلة : " انا شخصيا ايدي تتقطع قبل ما اعلم علامة " صح " جنب أسم شفيق و في نفس الوقت مش مصدقة الأخوان و ضميري مش مستريح ان اختار بين اختيارين لا يعبروا عني و لا يمثلوني كمواطنة مصرية مسلمة معتدلة مع الثورة !!
و أضافت : مش فاهمة الناس اللي بتقول ان طالما حمدين مش هيدعم مرسي انه كدة مع شفيق و ماخادوش بالهم انه في الأساس ضد شفيق !! ايه النظريه العجيبة دي !! الراجل ضد الأثنين و مافرضتش اي حاجة على انصاره بالعكس قال ان الشعب هو القائد و المعلم و كل انسان مسئول عن صوته ..
و انهت كلامها قائلة : ليه الأخوان بيشنوا الحملة دي عليه ضده ؟؟؟ عدم الثقة في النفس !! و لا اخيرا عرفوا قيمته و حجم شعبيته !! عيب عليكوا .