خالد النبوي: لن ندرك خطورة شعار الاسلام هو الحل إلا عندما يأتى الآخر بشعار المسيحية هى الحل !

في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
نادر بكار: تحية لشباب 6 إبريل على جهدهم غير المسبوق في توعية الشعب من خطر عودة الفلول
عمرو دياب: بالنسبه للأسئلة اللي بتقول هرشح مين أنا هقرر النهارده بس مش هقول علي اسمه عشان مأثرش علي قراركم
أحمد العسيلي: بلا برامج بقه بلا بتاع، المرة الجاية ان شاء الله نبقى ننقّي برامج؛ المرّادي بنشتري راجل :)
أحمد سبايدر: والده خالد سعيد لرويترز احذر من ثوره جديده اذا فاز الفلول حد يسال ام البطل سافرت امريكا كام مره بعد الثوره
علاء الأسواني: إلى الثوريين المقاطعين لانتخابات الرئاسة. المقاطعة ان لم تكن عامة وشاملة ومؤثرة ستصب في صالح الفلول. كما ان غيابكم يعنى فتح الباب للتزوير.. المقاطعة الشاملة للانتخابات كان يحب الحشد لها حتى تكون مؤثرة اما المقاطعة الفردية فهى اجمل هدية نقدمها للفلول هم يشترون الاصوات ونحن نبددها
عمرو حمزاوي: التنوع في مراكز صنع القرار التشريعية والتنفيذية ضرورة، ليس لعدم الثقة بل لمواجهة خطر الأغلبية الصماء وخطر الانفراد بإدارة شئون البلاد
عمرو خالد: الأرزاق بيد الله، واليد العليا خير وأحب عند الله من اليد السفلى، ويجب أن نكون شعوب منتجة، حتى نأكل مما نزرع
عمرو واكد: اذا نجح احد الفلول فذلك قطعا ليس بسبب المقاطعة ولكن بالتأكيد بسبب المشاركة والثقة في مرحلة ملعوب في أساسها بوضوح أسطوري.
خالد دياب: الاعلان الكمالة دوره لخبطة السلطات يعني الرئيس ليه سلطة عالبرلمان الي ليه سلطة علي الحكومة الي ممكن تخرب البلد وتخربها علي الريس والبرلمان.
عزيز الشافعي: تصويت جماعي ؟؟؟؟؟ اخر مرة سمعت الكلمة دي كان الحزب الوطني الديمقراطي لسة المقر بتاعه في ميدان التحرير ومتحرقش
باسم كامل: كانوا بيقولوا ان مبارك كويس لكن العيب في اللي حواليه نقوم بعد ما نعمل ثورة على مبارك هم هم عايزين ينتخبوا اللي كانوا حواليه. عجبي
هبة رؤوف: فجر يوم الانتخابات سأدعو للشهداء ولأمهات وأباء من أهدونا هذه اللحظة.وسأدعو الله أن يجبر كسر المصابين والمساجين. ويعيننا على استيفاء الحقوق
د. محمد حبيب: انتخابات الرئاسة تجرى بين طرف تابع لنظام المخلوع وطرف محسوب على الثورة..اذا فاز الطرف الاول، لا يلومن الطرف الثانى الا نفسه
خالد النبوي: تانى لن ندرك خطورة شعار الاسلام هو الحل الا عندما يأتى الاخر بشعار المسيحية هى الحل انتبهوا عشان مصر كلها تكسبها
محمد فتحي: عمر سليمان عمال يخوف الناس من دخول إسرائيل في حرب مع مصر.. الراجل ده واطي للدرجة دي والا غبي فحت..غالباً الاتنين.رحم الله المخابرات المصرية
نوارة نجم: هم مرشحين الرئاسة مش كانوا انبيا؟ قلبوا صحابة وتابعين امتى؟ البيضة كده ساحت علينا خالص
حازم عبد العظيم: سيادة الشفيق فريق بما انك ممنوع من التصويت لنفسك في الانتخابات رغم انك مرشح يعني مقاطع غصب عنك ! انضم معنا في ‫#مقاطعون‬ ! تنورنا يا باشا
ياسمينا: أحيه! ... قاللك المسيحيين هينتخبوا "شفيك" علشان لما كان رئيس وزرا و زار البابا ، قاله "أهلا يا ريس" ، و لازم نبوءة البابا تتحقق .. لولولوى
عمر قطامش: انتبهوا يا اخواننا يوم الانتخاب .. يكرم المرء .. او تتقلب عيشته هباب
وائل غنيم: أي حد يقول لك فلان الفلان اكتساح من الجولة الأولى راهنه على عشوة سمك وجمبري (ولو شايف إن الرهان حرام خلاص يبقى راهنه على كبده من البرنس)
أمين حداد: كل اللي حوالينا منقسمين بين أبو الفتوح وحمدين وخالد ... والكل مقتنع اننا عينة غير ممثلة للشعب المصري ... إيه رأيكو بقى؟
دعاء سلطان: مرشح الرئاسة مش ابوك وانت مش ابنه واللي بيغلط فيه مش بيغلط ف نسبك. المرشح كائن عايز يفوز بالكرسي باي طريقة
محمد مصطفي: المخلوع فقد كتير من قوته عندما ترك أسامة الباز كمستشار له .. شخصية محترمة
نبيل الحلفاوي: كان أسامة الباز وهو فى مواقع القمة يتحرك بلا حراسة وإذا ذهب للمسرح يصر على شراء تذكرته والوقوف فى الطابور.ربنا يشفيه.
علي الجفري: إن لم يقم أهل الدين بثورة على الاستغلال السياسي للدين فستكون الثورة المقبلة على الدين.