أحمد العسيلي : لو جالكوا في النهائي شفيق وأبو إسماعيل .. حتعملوا إيه في الوكسة الكبيرة

في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
من أحمد مزهل لأحمد ماهر: بحترم شباب 6 ابريل ك كيان ولا أحترم احمد ماهر لأنه يستغل جهد الالاف الشباب لتحقيق مصالح شخصيه
وأحمد ماهر يرد: احب اعرف ايه المصالح الشخصيه اللى بحاول احققها، وازاى تحترم كيان ولا تحترم مؤسسه وواضع نظريته
عبد المنعم أبو الفتوح: "إعادة النظر في معايير "تأسيسية الدستور" ضرورة وطنية"
أحمد العسيلي: ها يا حلوات ويا حلوين، لو جالكوا في النهائي شفيق وأبو إسماعيل حتعملوا إيه في الوكسة الكبيرة دي اللي حتبقوا فيها ساعتها؟ :)
أحمد سبايدر: 6 ابليس بتقول للمجلس العسكرى مش هنقف معاكم ضد الاخوان والله انا ماغلطش وصدقت لما سميتكم 6 ابليس من شهر 4 عاوزين يقوموها حرب بين الطرفين والبلد تولع وهما جيوبهم تتملى
علاء عبد الفتاح: أي رد فعل مبني على منطق تفادي التشويه عبثي، لا التشويه هيقف ولا دي أفضل طريقة للتعامل معاه، و البرادعي مثلا خسر كثيرا لقلقه من التشويه
عمرو حمزاوي: خالد علي يستحق أن يكون من بين المرشحين للرئاسة وهو الأوضح في دفاعه عن الحقوق والحريات والدولة المدنية. أدعوكم لعمل وجمع التوكيلات لخالد.
عمرو خالد: لا تيأس أبداً .. قم و تحرك و فك القيود .. ولا تسخط على ما أعطاك الله من نعمً و لكن أحسن التصرف فيها تكن اسعد الناس
أسماء محفوظ: المشكلة ان بغبائهم ده بيكرهوو الدنيا في مفهوم الاسلامية او التيار الاسلامي اللي المفروض ميكونش كده
دينا فاروق: حاسه مره هأبص فى مراية الحمام ألاقى وش أبو اسماعيل على بوستر عالحيطه اللى فى وش المرايه
باسم يوسف: البلتاجي بيقول كلام حقاني و بينتقد الجماعة بصراحة. بيفكرني بزكريا عزمي
بلال فضل: ويقولك مبارك براءة من نهب محتويات القصور.قعد فيها 30 سنة وكان عايز يورثها لإبنه 30 زيهم.إذا ماكانش ده النهب يبقى إيه.لازم يخبيها في صندرة؟
إسراء عبد الفتاح: مديرة حملة عمر سليمان تنفي عدم انسحابه من انتخابات الرئاسة يا حلاااااااااوة
خالد النبوي: هى لجنه كتابه الدستور بس هيا اللى باطل ؟؟ده كل شئ بعد 11/2/2011 باطل ده اللى ناقص اننا نركع للفلول ونقولهم والنبى تسامحونا
محمد أبو حامد: منطق مصلحة الجماعة و أتبعها منطق طائفي و الطائفية لن تكون أبدا في صالح الوطن
محمد فتحي: عشان ما حدش يتخض.تخوين في الألتراس قادم بقوة.هيتقال عليهم بيحبوا النادي أكتر من مصر،وهترجع نغمة المخدرات والترامادول.ساعتها ابقو دافعوا عنهم
نوارة نجم: مافيش حاجة اسمها حيشوهوا سمعة الاعتصامات بالبنات لانهم حيشوهوها بالرجالة برضه.. على الاقل لما يتهموك في ست احسن ما يتهموك في راجل ههههه
شريف عامر: مهما ظن اي طرف ان الخيوط تجمعت في يديه، من الواضح انه على اقل تقدير غير دقيق. اهلا بكم في عالم متشابك و مفتوح رغم انه مرهق
حازم عبد العظيم: لو السلفيين غير راضيين عن سحب الثقة وقرروا عدم النزول يوم الجمعة ! الاخوان سيتراجعوا! والايام بيننا
وائل غنيم: دستور يا أسيادنا
أنس حسن: إن تصور أنك تحارب الشر قد يوقعك في "شر" أعمالك ويعميك عن "شر" نفسك ،، وهذه "لي" قبل أن تكون لك
حازم صلاح أبو إسماعيل: لم أدفع مليما واحدا للدعاية
عبد الله كمال: من الذي قال ان الاغلبيه وصايه علي الامه ومن الذي ادعي انه يجب دستورلكي يتطبع الناس علي نصوصه وليس ان يعبر عن واقعهم ومجتمعهم؟
عمر طاهر: جملة بما لا يخالف شرع الله لازم يكون لها احترامها طبعا منه لله اللى كان السبب