باسم يوسف: حملة تكفيري ابتدت!

في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
أحمد ماهر: لو لقيت واحد صربى بيعملك باى باى اعرف انه تبعنا على طول, احنا منتشرين فى كل حته
أحمد العسيلي: هم أجبن من انهم يلغوا قانون الخلع؛ لكن لو عملوها وستات مصر مازعقوش في وشهم زعقة توقّع دقونهم، يبقى الحق عليهم. وانا أول الداعمين
أحمد سبايدر: نفسى اغمض عينى وافتحها الاقى المجلس العسكرى سلم الحكم عشان اشوفكم هتدوروا البلد دى ازاى من بعده وساعتها تعرفوا قيمة المجلس العسكرى
علاء عبد الفتاح: خالد علي مرشح أفضل من بثينة على مستوى الخبرة و الكفائة و البرنامج و الفريق و تاريخ الانجازات
عمرو خالد: إذا جرحت إحدي الطيور أثناء طيرانها في سربها .. تهبط ويهبط معها طائر أو إثنين ... كن كالطير وساعد غيرك.
أسماء محفوظ: واحدة ست مسكتني امبارح تقولي حرام عليكي خربتي البلد مش لاقيين ناكل وبنتي بتخاف تمشي لوحدها والبلد بتتحرق، قلتلها هو انا اللي عملت ده كله؟؟ قالتلي ايوة مش انتي اللي بتعملي مظاهرات وموقفة البلد؟؟قلتلها طيب اقتليني بقى وانقذي مصر..قالتلي مانتي لو موتي البلد مش هتتصلح بردو..قلتلها طب اعمل ايه؟؟..قالتلي ربنا يسهلك وسابتني ومشيت
حمزة نمرة: بالنسبة لي..أسعد أوقات حياتي لما أروح محل لعب أشترى لولادي لعبتين..فرحة الأولاد هي أصدق ما في هذا العالم..ربنا يرزقكم فرحة أولادكم يا رب
بلال فضل: هو ليه السلفيين ماقدرويش يستغلوا حكاية إن آخر واحد قال للناس بشكل علني ارقصوا وغنوا وافرحوا كانت نهايته سودة.إزاي فاتت عليهم دي أثرها مضمون
دينا فاروق: اللى عايز يمد إيده يسلم يسلم واللى مش عايز فى ستين داهيه لا أنا فتنه ولا نجسه ،، النجسه هى أفكاره
باسم يوسف: لأ برافو حملة التكفير ابتدت و بيقولوا إني بأسخر من القرآن.انا باتكلم عن الناس اللي بتسئ استخدام الدين علشان يرهبوا أي حد مختلف معاهم
أنس حسن: السلطة عكس الثورة .. طريقهما مختلف .. وكلاهما يقضي على الآخر
يوسف الحسيني: أخذت على نفسي عهدا ان اقرأ اكثر مما اكتب وأن اسمع اكثر مما أتكلم وأن أتابع و ادقق اكثر مما يراني الناس
حازم صلاح أبو إسماعيل: لماذا تؤيد حازم أبو إسماعيل في انتخابات الرئاسة؟لأنه المرشح الوحيد الذي يُعد نقطة تلاقي بين كثير من تناقضات المجتمع المصري، فهو وسط بين الإخوان والسلفيين..يحبه الإسلاميون ويحترمه العلمانيون..يتمسك بهويته الإسلامية ويحفظ حقوق الأقباط.. يمتلك حسا ثوريا ويدعم المسار السياسي.
محمد فتحي: عاجل: حركة كلنا رشدي أباظة تعلن عن تدمير مواقع حركة كلنا جورج كلوني الأجنبي العربيد.. رشدي أباظة مصري..أم كلوني الأجنبي
نوارة نجم: جورج كولوني يا اخانا كيف البيرة في الزنزانة كيف المزز السجانة
حازم عبد العظيم: إلي الإخوان اللي انفصلوا أو هاينفصلوا من الجماعة بسبب دعمهم لا بو الفتوح! مرحبا بكم في بلدكم مصر! لن تندموا! مصر فوق الجماعة
عبد الله كمال: لو صحت المعلومات المتداوله بشأن توقيع توكيلات قانونيه لترشيح البرادعى فاننى ادعوه باخلاص ان يخوض الانتخابات الرئاسيه فستكون وقتها اكثر مدنيه
عمر طاهر: جدران وسط البلد اللى ف طريقى بقت مش مضايقاني وجزأ من التجربة زى البلهارسيا اللى كانت عند عبد الحليم