الرفيقة أم عطيات: لو شفت منى الشاذلي هقولها كيلو البدرة اللى بتحطيه بيخليكى أوحش!!

الهاش تاج هي علامة توضع على تويتر لتكون إشارة لموضوع، أي شخص يكتب في نفس الموضوع يضع # بجانب العنوان، وبذلك عندما تبحث عنه في تويتر تجده، هذه المرة نتناول هاش تاج "#LawShoft" ، والذي بدأه مجموعة من الشباب على تويتر بالأمس، الهاش يطلب من كل شخص أن يتمنى شخص ليقابله، يوقول ماذا سيفعل عندما يقابله، وإنت، لو شوفت مين هتقوله ايه؟!
محمد السيد: فايزة ابو النجا هقولها مين اللي عملك العمل اللي مقعدك لحد دلوقتي عشان اقتله واقتلك ونخلص”.
حناكش: بابا.. هحضنه ومش هسيبه ابدا.
مصطفى الخولي: واحد بيرمى حاجة من العربية و أنا معدى من جنبه ، هاخدها من الأرض و أرميهاله فى عربيته تانى.
صاحب نظرية الخرم: واحدة حلوة مش هاعكسها ..... انا مصري وهعمر بلدي!!!!
رنا متري: للي اخترع التوكتوك هفجره.
الرفيقة أم عطيات: منى الشاذلى هقولها كيلو البدرة اللى بتحطيه على وشك بيخليكى أوحش.
شجر الدر: واحد هاسكعه قلم محترم واقوله يخرب بيت تقل دمك.
هبة: يسرى فوده .. هقوله بحبك جدا...
إيمي: صاحب موقعة البي بى ..هخلية بعد كدة يدخل التواليت الحريمى.
إيمان: جمال عبد الناصر هقولة منك لله سبتلنا اشبال الاخوان بقضوا على شعب كامل.
رنا: الكتاتني هقوله انت شديد اوي مع النواب بتوعك!.
هبة: الكتاتنى .. هطلب منه هولز من الكانتين اللى فاتحه فى مجلس الشعب.
محمد المسلماني: الراجل الى واقف ورا عمر سليمان ... متزعلش منى .. وانت فين.
رنا أحمد: بسمة هقولها و النبى سرحى لجوزك شعره.
نشوى: حسين سالم : انت اللي فيهم (لعبتها صح).
محمد المغازي: محمد منير..هاقوله يا ملك انتا مش عارف انتا بتعمل فينا ايه.
آية سمير: منة فضالى.. هلزق لبانة فى شعرها.
نيرة: ايناس الدغيدى هعملها جلسة علاج نفسي و اشوف بداية الانحراف امتى و بعدين بالفاس فى دماغها نياهاهاها.
نعيمة سليمان: ايناس الدغيدى حقولها سيرى يا نورماندى على بركه الله.
سلامة هيكل: توفيق عكاسة هجيب له دكر بط يتخانق معاه .. بدل مصارعة الديوك.
محمد زيني: اللي اخترع الكارينا هقوله كنت حاسس بإيه وأنت بتعمله ؟.