احم احم !

- لابسة ومتشيكة وعلي فين يا أمينة ع الصبح؟
- أصل بس انا يعني.
- أصل إيه وفصل إيه مالك إتلجلجتي ياولية ومش علي بعضك ماتنطقي قولي رايحة فين؟
- أقولك ياخويا الصراحة أصل سيدي القنديل ناداني.
- قنديل أم هاشم يعني؟ طب ماتقولي علي طول انك رايحة تزوري السيدة هو أنا يعني عمري منعتك من زيارة الأوليا ؟
- شيء لله ياسيدة بس ياخويا بصراحة أنا مش رايحة السيدة أنا رايحة عند سيدي هشام.
- اللهم طولك ياروح هو فيه شيخ اسمه هشام ياولية يامهبولة انتي ولا يكونش الجدع الخرع اللي اسمه هشام مبارك بتاع احم احم غواكي؟
-لا ياخويا مبارك مين وقطران مين احنا ماصدقناه غار في داهية مع مبارك الكبير ألله لا يرجعه أنا من الآخر كده رايحة لسيدي هشام قنديل
- ليه كفي الله الشر تكونيش مرشحة وزيرة ولا حاجة؟
- وليه لأ يعني ياسي السيد هم يعني الوزرا أحسن مني في إيه؟
- والله عال يعني إنتي تبقي وزيرة وأنا أقعد في البيت قرطاس جوافة؟
- متهونش عليا ياسي السيد متخافش هاكلملك الريس مرسي عشان يبقي يعينك في البرلمان.
- عموما ياأمينة بعد ماتحلفي اليمين تطلعي علي أمك..قال يامستني خيرمن الإخوان يامستني سي السيد يبقي عضو في البرلمان!