إحم إحم!

هشام مبارك
حضريلي القفطان والطربوش يا أمينة رايح أهتف ضد هيلاري كلينتون.
مش طول عمرك ياسي السيد تقول إنها زي لهطة القشطة وإنها أحلي من زبيدة وجليلة العوالم بتوعك.. خلاص دلوقتي بقت كخه؟
للضرورة أحكام ياوليه.. احنا مش ممكن نوافق علي تحالف الإخوان والأمريكان.
طب ماطول عمرالأمريكان ومبارك زي السمن علي العسل.. مشفتكش مرة اتنحررت ولا اتحرق دمك.. ولا يعني الأمريكان في إيد الإخوان عجبه؟
يا تلمي لسانك يا أمينة يا تطلعي علي امك.
ده كان زمان.. دلوقتي فيه ديوان مظالم يجيبلي حقي.. قال علي رأي المثل يامستني أمينة تطاطي زي زمان يامستني ميسي يلعب في ام درمان!