احم احم !

هشام مبارك hishammoubarak@hotmail.com

- لابسة ومتشيكة وعلي فين يا أمينة ع الصبح؟
- يوه ياسي السيد هو انت نسيت؟ مش النهاردة ياخويا افتتاح مجلس الشوري..سي مرسي الله يستره بعتلي دعوة أحضر الخطاب إللي بسلامته هايقوله بعد شوية.
- ولما سي مرسي بتاعك ده بيعزك أوي كده ممكن تفهميني ليه ماعينكيش في الشوري؟ هو يعني سي مؤمن بتاع الساندويتشات يفهم في السياسة إيه زيادة عنك؟
- ازاي بقي ياسي السيد..السياسة بعد الثورة بقت كلها سلطة وسي مؤمن سيد من يعرف السلطة وأسرارها يعني معجون بمية السياسة.
- طب أمانة عليكي يا أمينة تسلميلي علي الحاج مؤمن وياريت تجيبيلي نمرة موبايله.
- خير ياسي السيد..هو سيدي المؤمن ناداك ولاتكونش ياخويا عايزتغير كارالعطارة بتاعك وتقلب ساندويتشات يمكن البلية تلعب وتخش البرلمان؟
- لا يا أمينة أنا بس عايز أوصي سيدك المؤمن وهو رايح كل يوم جلسة الشوري يتوصي بساندويتشات المخ..لعل وعسي!