مع المشروع الصورة تطلع حلوة

على جروبات المدارس على فيس بوك، خاصة فى مرحلتى رياض الأطفال والسنوات الأولى من الابتدائية، تتابع كل أم باهتمام شديد ملامح ابنها وهو يمسك بالنشاط «أو المشروع» الذى باتت تصنعه فى المساء، فى الصور المتلاحقة التى تبثها المدرسة، لثبت أنها تساعد التلاميذ على تنمية مواهبهم وقدراتهم الإبداعية، وتحرص المعلمة على ابتسامة الطفل وهو يمسك بالنشاط، لتبقى الصورة فى ألبوم ذكريات التلميذ والمدرسة معا. ومع هذه الابتسامة اللطيفة لا يسأل أحد كيف صُنع النشاط؟
يسرية عصام، أم لطالبين فى الابتدائية والإعدادية تحكى تجربتها مع صنع أنشطة ابنيها «واضح جدًا أن الطالب مش هو اللى عمل النشاط والمدرس عمره ما سأل الطالب: إنت عملته إزاى أو اشتغلته بأنهى خامات، أصنع كل شىء وهو حتى لا يرانى، وأحيانًا المكتبات تصنع الأنشطة وتبيعها لولى الأمر بدل الجهد وبيتكلف من 35 إلى 40 جنيهًا على حسب الدرس، يعنى تكلفة فوق تكلفة الدروس وطلبات أول السنة». قالت سالى محمد، موظفة بإحدى البنوك الخاصة، وأم لطفلتين: «كل مرحلة دراسية لها نوع مختلف من الأنشطة، والأم العاملة مثلى تكون مهمة صنع الأنشطة عبئًا إضافيًا على صحتها ومجهودها. سارة فهمى، أم طالب فى المرحلة الإعدادية، تعيش معاناة صنع النشاط المدرسى لأنها ترى ابنها يهتم بدروسه وتمارينه وأيضًا لأنه بيتدرب ثلاثة أيام فى الأسبوع، قائلة «بعدما أكون خلصت كل طاقتى مع ابنى فى اليوم، أقرأ الدرس وأعمل نشاط عشان ابنى ياخد درجة كاملة، وده بياخد من وقتى ومجهودى، لكن ما يؤلمنى أنى أعمل لوحة تتعلق فى فصل وتترمى فى نصف العام الدراسى عشان بيعملوا الفصول لجان امتحانات، إذا كنت أطالب بعمل نشاط ليخرج الطالب من الحفظ للإبداع، لازم نحترم النشاط مش ورق بيترمى على الأرض». وقالت سمر عساف أم لطالب فى المرحلة الابتدائية، إن نظام الميد ترم أفضل بكتير من النشاط المدرسى بالنسبة لها لأن مواد الترم بتتقسم على نصفين؛ جزء فى الميد ترم والجزء التانى فى امتحانات آخر الترم، وده كان بيسهل على الطالب المذاكرة لأنه بيقدر يقسم المذاكرة على جزئين، قائلة «إن النشاط جزئين جزء بيكون لوح عادى وجزء نشاط مجسم، فالنشاط المجسم المفروض ينفذه الطالب أمام المدرس، ليكمل النشاط الشرح، لكن طبعًا مبيحصلش ويصنعه ولى الأمر، ويطلب المدرس أحيانا لوحة يكتبها الخطاط وده طبعًا تكلفة تانية من 150 ل 200 على حسب حجم اللوحة، وأوقات تانية أشترك مع مجموعة من أولياء الأمور فى عمل نشاط وبنقسم على بعض المواد والتكاليف ولكن فى الآخر كل الحاجات دى بتترمى مالهاش فايدة، لكن الدرجات دى هتفرق مع ابنى علشان ترتيب الأوائل».