يوم عجيب

كان يوم عجيب كله تعادل
«ب صوت الفنان حسن الأسمر»
المجموعة الخامسة، مونديال 94
أغرب مجموعة فى تاريخ كأس العالم
الجولة الأولي
أيرلندا غلبت إيطاليا 1/-
والنرويج غلبت المكسيك 1/-
كدا أيرلندا والنرويج 3 بنط
إيطاليا والمكسيك أصفار
الجولة التانية العكس
إيطاليا غلبت النرويج 1/-
والمكسيك غلبت أيرلندا 2/-
كدا كلنا 3 بنط
الجولة الرابعة
كله ب يلعب ب يحذر
كله عايز يصعد
وف دور ال 16 يبقى يحلها اللى ب يحل
خصوصًا إن فيه أحسن توالت
يبقى أتعادل هنا
أبقى 4 بنط
حتى لو طلعت التالت
ه أصعد
إيه اللى حصل؟
أيرلندا والنرويج صفر/ صفر
إيطاليا والمكسيك 1/1
ف بقينا كلنا 4 بنط
وفرق الأهداف طبعًا متساوي
ف تخيل حضرتك
المكسيك بقت أول المجموعة
ل إنها سجلت 3 أهداف فى المجموعة كلها
والنرويج طلعت آخر المجموعة
عشان ليها هدف وعليها هدف
فى نفس اليوم ب الليل
الجولة التانية ب تقفل
البرازيل والسويد متعادلين
كدا متأهلين سوا
المباراة التانية روسيا والكاميرون
لو الكاميرون كسبت تصعد أحسن توالت
غير كدا محدش منهم يصعد
قوم روسيا بنت الوصخة
بدال ما ترد الجميل ل الكاميرون
بتاع مونديال 90
تفوز 6/1
عكس سير اليوم كله
مش المهم ال 6/1 «النتيجة المستفزة دى»
المهم
إن اتحقق رقمين أعجب من بعض
سالينكو مهاجم روسيا يسجل 5 أهداف
ويبقى ريكورد فى المونديال
أما هدف الكاميرون سجله روجيه ميلا
ميلا الحب الحب
ف بقى أكبر لاعب يسجل فى تاريخ كاس العالم
تصدق الماتش دا
اللى هو خرج الفرقتين دا
كان أمتع ماتش فى يوم 28 يونيه 94
وهو الماتش الوحيد منهم
اللى ه يفضل جمهور الكورة فاكره
ما عمر الأرض إنسان
وما قام فى مكة الأخشبان
أو ب العربية الفصحي
فورإيفر