أغاني رمضان لم تفقد بريقها ( 2 2)

لم تفقد أغاني شهر الصوم بريقها، بل هي تزداد لمعانا علي مر السنين، وما نريد أن نقوله بوضوح أن أبناء الأجيال التالين لطلب وكارم وعبد العزيز محمود، والثلاثي، لم يقصروا في نقل احساسهم بالشهر الكريم، وربما اصبحت اغانيهم من الكلاسيكيات ايضا في زمن ما قادم!
رمضان جانا وفرحنا به/ بعد غيابه وبقاله زمان
غنوا وقولوا شهر بطوله/ غنوا وقولوا اهلا رمضان
رمضان جانا اهلا رمضان/ قولوا معانا اهلا رمضان
بتغيب علينا وتهجرنا وقلوبنا معاك / وفي السنة مرة تزورنا وبنستناك
من امتي واحنا بنحسبلك ونوضبلك ونرتبلك/ اهلا رمضان، رمضان جانا قولوا معانا اهلا
رمضان
رمضان جانا اهلا رمضان/ قولوا معانا اهلا رمضان
يوم رؤيتك لما تجينا زي العرسان/ نفرح وننصب لك زينة اشكال والوان
في الدخلة نبقي نطبلك ونهللك اه ونقولك/ اهلا رمضان جانا قولوا معانا اهلا رمضان
رمضان جانا اهلا رمضان/ قولوا معانا اهلا رمضان
يا مسحراتي دوقلنا تحت الشباك/ سمعنا وافضل غنيلنا للفجر معاك
واعملنا هوليلة تلاتين ليلة حلوة جميلة/ اهلا رمضان جانا قولوا معانا اهلا رمضان
رمضان جانا اهلا رمضان / قولوا معانا اهلا رمضان
رمضان جانا وفرحنا به/ بعد غيابه وبقاله زمان
غنوا وقولوا شهر بطوله/ غنوا وقولوا اهلا رمضان
رمضان جانا اهلا رمضان/ قولوا معانا اهلا رمضان
ادونا العادة
الله يخليكم/ الفانوس طقطق/ الله خليكم/ الشمعة خلصت/ الله خليكم
هاتوا الفوانيس/ محمد فوزي
هاتوا الفوانيس يا ولاد هاتوا الفوانيس.. هانزف عريس يا ولاد
هيكون فرحوا تلاتين ليله هنغني ونعمل هوليله.. وهنشبع من حلوياته
هاتوا الفوانيس يا ولاد هاتوا الفوانيس
كل حبايبه راح يعزمهم متواعدين وياه هيفطرهم ويسحرهم
و الخير جايبه معاه
هنغير ريقنا علي خشاف والفول راح يتاكل حاف وكنافه وقطايف بيضه وهتكون سنتكم بيضه والصايم يديه حسنات
هاتوا الفوانيس يا ولاد / هيكون فرحة تلاتين ليلة
من العشا راح تتلم صحابنا ونروح كل مكان ونغني علي نور فوانيسنا اه يا بنت السلطان ويا بخت اللي يصالح صاحبه ويسبق بالخير ويروحله
انشاءالله مايقطعلنا عادة ويدنوا عليكم بسعادة
هاتوا الفوانيس يا ولاد هاتوا الفوانيس هانزف عريس
هيكون فرحه تلاتين ليله ونغني ونشبع من حلوياته
علي صوت الطبله يصحينا ينادينا بحنان قوم صلي علي الهادي نبينا
يالله اصحي يا نعسان يا صايم قوم وحد ربك من غيره يعزك ويحبك
ومتنسوش يا ولاد العيد بعده هييجي بلبس جديد واللي هيصلي هيشوف طلباته / هاتوا
الفوانيس يا ولاد هاتوا الفوانيس
مرحب شهر الصوم / عبد العزيز محمود
مرحب شهر الصوم مرحب لياليك عادت في امان
بعد انتظارنا وشوقنا اليك جيت يا رمضان
مرحب بقدومك يا رمضان ونعيش ونصومك يا رمضان بعد انتظارنا وشوقنا الليك جيت يارمضان زيك مفيش بين الايام كلك حسنات
بيزيد معاك نور الإسلام فضل وبركات
لياليك محل يا رمضان ويا محلي بهاها
بعد انتظارنا وشوقنا اليك جيت يا رمضان
والليل العباد فيك فرحانه من صلاه وصيام
حتي العيون فيك سهرانه مش راضيه تنام
ليل ويا نهار يا رمضان وكبار وصغار بعد انتظارنا وشوقنا إليك جيت يا رمضان محلاهم فيك بعد م نفطر شمع منور
ماسكين فوانيس دا فانوس احمر وفانوس اخضر
يرقصوا ويغنوا يا رمضان.. فرحم واتهني يا رمضان
بعد انتظارنا وشوقنا اليك جيت يا رمضان
المؤمن يستني هلالك فرحان وسعيد/ وتروح وتزيد في جلالك ايام العيد.
فيها خير واماني وتجينا من تاني يا رمضان بعد انتظارنا وشوقنا إليك جيت يا رمضان/ مرحب شهر الصوم مرحب
لياليك عادت في امان بعد انتظارنا وشوقنا اليك جيت يا رمضان
مرحب بقدومك يا رمضان ونعيش ونصومك يا رمضان
ياولاد حارتنا
يا ولاد حارتنا اتلموا اتلموا شوفوا رمضان خفة دمه
بر وتقوي .....مدفع يضرب
طبله تضرب في عز الليل علي حسها الحبايب يتلموا
هاتوا الفوانيس بيضه ولمعه وفي كل فانوس ولعوا شمعه
النور هيلم سكتنا والشر يطلع من بيتنا
و كل مهموم يترك همه
يا ولاد حارتنا
افرحوا يابنات/ ا لثلاثي المرح (الثلاثي هم الأغزر انتاجا لأغاني رمضان..ومن الظلم اختزال انتاجهم في اغنية: اهو جه يا ولاد)
افرحوا يا بنات يالا وهيصوا/ رمضان اهو نور فوانيسه
ياحلاوة التين .... الله الله/ والقمر الدين ..... الله الله
واكياس النوقل وقراطيسه ... هيه/ افرحوا يابنات .... هيييييه
هيصوا يابنات .... هييييه
في المغربيه راح نفطر/ ساعة ادان الله واكبر
ونعلي حسنا ونقول هيه .... هيه هيه/ ونجري ع البيت نتنطط
وقلوبنا م الفرحه تزقطط/ ونقول لبعضنا رمضان جه .... هيه هيه
فوانيسنا دايماً هاتنور/ ونلف في الحاره ندور
علي الاهالي نهنيهم .... هيه هيه/ وهم يدونا العاده/
ونشتري شمع زيادة/ نولع الفوانيس بيهم .... هيه هيه
بعد الفطار دوغري نحلي/ بكنافته وقطايفه تملي
وكل يوم افراحنا تزيد/ يفوت علينا اوام يجري
نقول له لسه عليك بدري/ يقول دا جاي ورايا العيد
والله بعودة
وصولا الي احدث اغنيات أبناء جيل الوسط ويمثلهم المطرب الفنان ايهاب توفيق: والله بعودة يا رمضان.