نانسي عجرم ليحيي الفخراني: بلاش سهوكة يا ابن الأرندلي!

دويتو يحيي الفخراني ونانسي عجرم في تتر مسلسل ابن الأرندلي يعتبر مفاجأة كبيرة ليست في طبيعة الكلمات التلقائية المدهشة التي كتبها أيمن بهجت قمر وإنما في بساطة اللحن الذي وضعه محمود طلعت وغنته نانسي بخفة دم رائعة حيث يستفزها يحيي الفخراني ويعاكسها بعبارتين فترد عليه ردًا قاسيًا لكنه مرح في نفس الوقت وهو العمق في كشف نفاق الشخصية الفاسدة فهي تظهر خلاف ما تبطن وتسرق الكحل من العين.
مقدمة تتر المسلسل
د. يحيي الفخراني
انتي يااه
بيست
نانسي
لئيم
ليه بتبصلي
د. يحيي
أموت أنا
نانسي
يا قديم
يا ابن الأرندلي
جاي تشتغلني بتستغفلني
ولا إنت جاي بتستهبلني
شوف يا بابايا لو ليك ضحايا
مش هبقي منهم لو تقتلني
والنعمة لو بإيه حلفتلي
د. يحيي
انتي يااه
بيست
نانسي
لئيم
ليه بتبصلي
نانسي
حلنجي لِعبي وماشي ع السلك
ولا عمره فرَق ذاك من تلك
عامل حنين ومسهوِك
وجاي ملهوف متلهوج
الوش ده بقي يا حبيبي
ما تلبسوش وإنت جايلي
يللا يا ابن الأرندلي
د. يحيي
انتي يااه
بيست
نانسي
لئيم
ليه بتبصلي
نانسي
موَطي صوتك عندك سينس
تعبان يا ناس متقمص إنس
ده الكحل م العين يتقلِب
وبجد يتعب ويغلِب
غلبان وفاكر روحه هاني شاكر
قولوله ماشي اللي علي علي
يللا يا ابن الأرندلي
د. يحيي
إنتي يااااه
بيست
نانسي
لئيم
ليه بتبصلي
ختام التتر
كل الحكاية ناس بتيجي وتروح
باينالنا زي الشمس آهه بوضوح
ولا حد واخد شيء معاه بلا هم
وكلنا.. ركاب سفينة نوح
والناس يا عيني ما بتفكرش
غير يهبشوا يكوِشوا ع القرش
فين اللي رامي تكاله ع الله
ده اللي ماله ما يتقدَرش
وخبي مهما تخبي رايح فين
وقت الحساب تلقي الكتاب مفتوح
كل الحكاية ناس بتيجي وتروح
الدنيا دي خطوة عزيزة
شديدة أوقات ولذيذة
بين اليمين والشمال حساب
مايكفهوش شيك ولا فيزا
اللعبة لعبة جنة ونار
وكله ماشي بنواياه
إنت وشطارتك تختار
فهمت وللا أعيد ياااااا..؟!!
مقصدش أغلط بس زهقت
وخلاص قلبت الترابيزة
والناس يا عيني ما بتفكرش
غير يهبشوا يكوِشوا ع القرش
فين اللي رامي تكاله ع الله
ده اللي ماله ما يتقدَرش
وخبي مهما تخبي رايح فين
وقت الحساب تلقي الكتاب مفتوح
كل الحكاية ناس بتيجي وتروح