تامر أمين: «إحنا أغبياء وعاملين زى الثور»

هاجم الإعلامى تامر أمين، الحالة السياسية والمجتمعية فى البلاد فى الذكرى الرابعة لثورة 25 يناير، التى أطاحت بالرئيس المخلوع، حسنى مبارك.
وقال، خلال برنامجه «من الآخر» على فضائية «روتانا مصرية»، الأحد: «اللى بيحصل على الفيس بوك معناه إننا شعبين، شعب نازل شتيمة فى الثوار وثورة 25 يناير وشماتة فيها، وشعب تانى تمجيد فى 25 يناير وشهداء 25 يناير وشتيمة وهجوم فى أى حد مش مقتنع بيها، ليه، أهلاً بدول وأهلاً بدول طالما هنحترم بعض».
وأضاف: «العادى إن كلنا نعيش باختلافاتنا، زى ما فيه أهلاوية وزملكاوية لازم نعيش مع بعض، والاتنين يحبوا بعض ويحترموا بعض وينافسوا بعض بشرف، لكن مش لازم كل واحد يخلص على التاني، البلد دى مش ينفع تكون أهلاوية بس أو زملكاوية بس، ده مش منطق».
وتابع: «إحنا للأسف عاوزين نبقى كده بغباء منقطع النظير، وبعض الفئات والجماعات والتيارات هى من تدفع لكده، وإحنا نبتلع الطعم ومكملين فى السكة، عاملين زى «الطور» اللى متغمية عنيه ومش عارف إنه بيلف فى دايرة مفرغة».