ريهام سعيد: «نعش» فاتن حمامة وقع «عشان المخدرات»

بتهكم شديد وصفت ريهام سعيد المشاركين فى جنازة سيدة الشاشة العربية ووجهت لهم تهماً متعددة بتعاطى المخدرات وتجاهلت مشاعر الحزن التي خيمت على جمهور الراحلة واسرتها التي حملت النعش الذي رقد فيه الجثمان مما أثار غضب المتابعين لها خاصة أنها نصبت نفسها وكيل نيابة توجه التهم كعادتها دون سند.
وأوضحت سعيد إن سبب سقوط نعش الفنانة فاتن حمامة هو المخدرات، «والله العظيم عشان المخدرات».
وأوضحت، فى برنامجها «صبايا الخير» على قناة النهار، مساء الثلاثاء: «أستاذ عمرو أديب وهو بيتكلم على جنازة الفنانة سيدة الشاشة العربية فاتن حمامة الله يرحمها، كان قبلها بيوم على طول جايبين فيلم، على مش فاكرة قناة إيه، سى بى سى + 2، عشان تعرفوا إن أنا روحى رياضية وبتفرج على القنوات التانية اللى بتكرهني، نهر الحب، وبقول ياه قد إيه الست دى جميلة وعظيمة، عمرو بقى طول ما هو بيتكلم بيقول إيه، إيه اللى حصل، ليه ليه الست دى النعش بتاعها يقع، وليه نهد الجامع واحنا نازلين، وليه الموبايلات تطلع فى جنازة، المفروض إن احنا نتشاهد، كنت عايزة أقوله يا عمرو عشان المخدرات، والله العظيم عشان المخدرات».
وأضافت: «ثلاثة اربعا الناس دى واللى بتصلى كمان بتاخد مخدرات، والله العظيم، ما هو أنا عشان أشوف نعش جى، بدل ما أوسعله أروح عليه أكثر وأشوف النعش بيتحرك هيقع وأزنق أكثر وأزق أكثر وأبقى فى كل ده بطلع موبايل.. أنا كنت عايزة أقول لعمرو أديب يا عمرو المخدرات بوظت كل حاجة، بقت عاملة انعدام بالشعور بأى حاجة حتى الموت».
وقالت: «أنا بحب عمرو أديب جدًا.. أنا معرفوش شخصيًا ولا عمرى سلمت عليه، لكن لا يمكن أن نصفه بأنه إنسان متلون ومتقلب».
وأضافت خلال تقديمها برنامج «صبايا الخير»، المذاع على فضائية «النهار»،: «عمرو أديب قال إن» الحكومة كويسة، وبعدها قال إن الحكومة مش كويسة، ومع ذلك عمرو مش منافق، لأن الآراء بتختلف من وقت للتانى».