مرسي: من يتحدثون عن رحيلي هم الراحلون

استقبل نشطاء مواقع التواصل الاجتماعي البيان الذي ألقاه الجيش وانحاز فيه للشعب بترحاب شديد وفرحة عارمة وقاموا بكتابة تعليقات ساخرة علي منح 48 ساعة مهلة لمرسي للاستجابة لمطالب الشعب وجاءت أبرز التعليقات كالآتي:
■ «مرسي: سيبني لبكرة يا عم حزومبل.. السيسي: اليوم خلص..الشعب: سيبنا نقوله حكاية البلبل».
■ «مرسي اصدر بيان مضمونه كالاتي: طب سيسي سيسي سيسي وابعد كده عن قميصي»، «آلحلزووونة يآما آلحلزووونة.. ومرسي وجماعته هيوحشونا».
■ «عاجل من قصر الرئاسة: مرسي قافل عليه باب الأوضة ومشغل أغنية «مبقاش عندي ثقه في حد».
«يا راجل ده انت قعدت سنة واحِدة والناس بتندهلك يا ابن سَنية #مُبارك قعد 30 سنة محدش عرَف اسم امُه!».
■ «السيسي عمل بيان فى 3 دقايق بالخطابات إللي عملها مرسي طول حياته!»، «ايه حال الإخوان بعد بيان السيسي؟؟ .. فرقعوا؟! .. كلهم ؟!طيب فرح الشعب وانفخلي الخرفان».
■ «هو مفيش سجن تم اقتحامه ليه؟ هو مافيش قسم شرطة اتحرق ليه؟ هو كارفور ماتسررقش ليه؟ هو المحاكم ما اتحرقتش ليه ؟
مفيش مؤسسة حكومية تم الاعتداء عَليها لِيه ؟
مليون واحد حوالين الاتحادية ومتحدفش عليهم طوبة ليه؟»، «ألا صحيح سؤال: هو الطرف التالتَ فِين!؟ مشغولين في رابعة العدوية صَح؟».
■ «في خبر دلوقتي بيقول ان مرسي اتقتل! و الخبر التاني بيقول انه هرب بره مصر».
كما انتشرت صور كوميكس وصور مركبة عليها تعليقات جاءت كالآتي:
■ «الحي بيتلبسله أبيض أمال اللي عنده مهلة 48 ساعه يتلبسله إيه: Stop Watch».
■ مرسي بيسأل باكينام: هو 48 ساعة يطلعوا قد إيه يا باكي.. باكينام: خطابين من خطاباتك ياريس».
■ «من يتحدث عن رحيلي هم الراحلون إن شاء الله هقعد ال84 ساعة بتوعي مينقصوش ثانية».
■ «بيقولك مرسي هيدفع 3 جنيه ويزود ساعتين»، «محمد مرسي العياط أول رئيس يحكم مصر لمدة سنة و48 ساعة».
■ «مبارك 30 سنة ومرسي 30 ستة».
■ «يا سيسي أمرك أمرك يا سيسي ولجل خاطرك خاطرك يا سيسي مقدرش أخالفك لأني عارفك تقدر تحط الحديد في إيدي أسمع يا سيسي».