واحة الشعر

يسيل بجوار النيل فى بر مصر نهر آخر من الإبداع ... يشق مجراه عبر السنين والأجيال داخل نفوس المصريين ... فى سلسلة لم تنقطع ... وكأن كل جيل يودع سره بالآخر ... ناشرين السحر الحلال ... والحكمة فى أجمل أثوابها ... فى هذه الصفحة نجمع شذرات من هذا السحر ... للشعر ... سيد فنون القول ... الذى يجرى على ألسنة شابة موهوبة ... شاركت مع فريق «روزاليوسف» فى تحرير هذه الصفحة بمشاركاتها على rosareaders@gmail.com


3 مشاهد من جراح الوطن
(1)

طول الخريطة وعرضها

ميتم كبير

فالفاتحة على روح البلد

والفاتحة

على روح اللى لسه ح يتولد

ويا شعب ... خبى دمعتك

كف العزا نازل

يطرقع فوق قفاك

لسه المصايب

ف الخفا مستنياك

والموت معششلك

على كل السكك

ف المزلقان وعلى الرصيف

وعلى الدكك

مستنى مين راح ينصفك ؟!

وأنت اللى شارى بضحكتك

سكة هلاك ؟!

كف العزا نازل

يطرقع فوق قفاك

(2)

شكل البطاطس جزر

شكل العنب رمان

وجع المداين سكن

فوق فتحة البركان

ملعونة يا ثورتي

لو تشكرى الخوّان

ملعونة يا غنوتى

للطُرش والعميان

إزاى ح تاخدى العزا

ف السجن من سجان

وإزاى ف توب الفرح

تتجوزى القرصان

وإزاى تخالفى الوسط

وتروحى ف التوهان

شكل البطاطس جزر

شكل العنب رمان

(3)

بموت ف الجمعة ست أيام

وأعيش ع الحلم يوم واحد

وتقروا الفاتحة على روحى

وأنا على روحكو باتشاهد

ما فيش أتقل من الأحزان

مافيش أوسخ من الجاحد

ح تبقى العيشة فيكو حرام

وأنا من بينكو بتّاخد

صحيح أموات ولاد أموات

قتيل وبضيع .. بدون شاهد ؟!

وأنا دمى على أديكو

فوسط ميدان .. ويوم حاشد

بتبكو عليا .. أيوه صحيح

لكن دمع العيون بارد

بموت ف الجمعة ست أيام

وأضيع بأديكو يوم واحد


شعر: أحمد صلاح كامل


«ياذاك المجنون»



اخشى ان احسك

اخاف ان استمع او اصغي

ان استرسل او احكي

تمنعنى جدتى وحارتنا

وتحذرنى اختىوامى واقاربنا

اجل فنون النسوة تقيدنا

تعودت ان استمع لمراًتي

وان انفذ تعليماتي

واستمتع بحاجاتي

منذ ظهرت وانت تزحزح اعتياداتي

وتفسر باعجاز ووضوح كلماتي

كيف لك ان تفهم تعقيداتي

يا ذاك المجنون اجبني

الى اين تقدني

يا ذا الانسان كيف تحسني

تفسرنى تقرأنى تمتعني

ترفعنى تدفعنى تطلقنى

لغتك غريبة والفاظك عجيبة

ولكن ليست مريبة

افكارى واحساسى يخبرنى عن برائتك

وصراحتك ووضوحك

لم اسمح لاحد

ولا اى من وجد

انت دخلت وتحدثت واستمعت

ورقصت وغنيت وانا التى اجيد الغناء وليس انت

ولكنى بك استمتعت

كيف تخلق هذه النشوة داخلي

رغم القيود والعناد تجتاز كل الاسوار

لقد ايقظت بشريانى جيوش وثوار

انت حقيقة ام شبح خلف ستار

ام سعادة تريد لى الانفجار

لا انكر ان احساسك جبار
ولكن بداخلى الخوف دمار

وانت اوجدت نغم انبهار

قد تكون احلى حقائق حياتى

وقد يكون انسحابى وخوفى

قد وقد وقد وقد وقد

ما عدت استطيعان افكر قط

لكنى عزفت وعزمت البحث

هل تمهلنى ان استوعبني

او تنتظرنى ان استفهم نفسى

اوعدك ان نطير معا

ان اقتل بيدى خوف الشجن

تحليقى قادم قادم

لكنك تستعجل النشوة

يا من خلقت واعدت الى الدهشة

اتدرى اننى اريد هذا

لذا لا تستنتج رفضى المزيف

فالجبن لقلبى اليف

يا ذاك المجنون

كيف حركت الجمود وارقصت السكون


شعر: جون ميلاد

بحبك موت

بحبك شهد ومكرر

وأحبك ساجده فى الأزهر

وأحبك نيل بيسقينى

وحضن أمان مدفينى

وأحب الأهرامات فيكى

وأحبك رافعة راياتك

وأنا بلعب فى جناتك

بحبك لحظة أما أزرع

وأحبك لحظة أما أجمع

وأحبك فى الغيطان زرعه

وأحبك آله فى المصنع

وأموت فى الحب دا أكتر

فى لحظة لما يتأثر ترابك

يوم أخلى الرملة لونها أحمر

وأخلى العتمة تتغير

وتصبح نور

بحبك نور

وأحبك نار

على عداكى

وأحب ألقانى وياكى

وأحبك لما ألقاكى

وأغنيلك

وأحب ف غربتى

أدعيلك

أعود تسقينى من نيلك

بحبك موت

بحبك موت

شعر: إبراهيم البستاوي



قصائد

(1)

أكتب شعرا للعابثين

أنا المرابط

فى وريد الحرف الأرقط

منذ دهورٍ وأحايين

أهب الياسمين دمي

و الحروف فراء الثعلب

فى كل قصيدةٍ

ينفرج السؤال على رافدين

كم عابثاً سيقرأ؟

كم عابثا سيبرأ؟

- لا شيء أو لا أحد

-لا أحد أو لا شىء

يساورنى اليقين

أنا إذا نجحت.

(2)

بضعُ خراتيت سمانٍ

يأكلهن تمساحُ

و عيون الثعلب الكسيح

تهتك الطريق

أمضى و أمضي

من لا اتجاه إلى لا اتجاه

قليل الترف

عظيم الدهاء

(3)

كعكة هلاميةٌ مقسّمة

و حصّتى مسمّمة..

جنين البغاء

يتقطّر دمه الأنجسُ

يغتالنى و يحفر قبرا

فى حجم عقلى و يصدح

- لا عزاء.
(4)

بصقتُ فى بحيرة الأرواح الراكدة

فتثائب كل روحٍ

- إننى سقيم

ومحوت القلاقل من حجر عشتار

بدت نجوم الشعرى

كأفقٍ مستقيم

حرّقت السدوم

كسرتُ أنف اللاتِ

والعُزّى صريم

يا حُلميَ الحميم

أقبلْ فى ألف موجٍ

أو يزيدون.


شعر: باسم عبدالحميد


وشوشينى

وشوشينى

واهمسى بأحلى الكلام

يا النبضك

كان دوا موصوف لقلبى

من زمان

يا ال حلمى حتة من حلمك حبيبتي

نفسى يتحقق أوام

وشوشينى واهمسى بأجمل حكاية

يا ال فى ملامحك طريقي

يا ال فى عيونك غنايا

كملى زجلى بحروفك

واحملينى لبر شوقك

واسمحيلى أكون شروقك

لو غروبك مرة خان

اسمحيلى أكون بدايتك

وأرسم الضحكة فى شفايفك

يا أميرتى يا حبيبتي

يا ال قلبى تملى شايفك

إنتى إيه ؟

مش ملاك

إنتى أجمل م الملاك

رقتك ذوقك وعطفك

قلبى بيرفرف ساعات

لما يسمع بس سيرتك

لما يتمليَ فى صورتك

يبقى أسعد قلب عاشق

صوته يتحدى السكات

وشوشينى وهدهديني

واحضنيني

واسمحيلى أنام فى حضنك

بالساعات

شعر: سماح نوح