عالم البنات مليء بالأسرار ولا يعرف تفاصيله سوى البنات لذا قررنا منح هذه المساحة للبنات ليعبرن فيها عن أنفسهن والحديث عن المشكلات والهموم والقضايا التى تشغل بالهن ويرفض المجتمع فى كثير من الأحيان الاستماع إليها. ويمكن التواصل والمشاركة فى هذا الباب عبر البريد الإلكترونى: [email protected]
الفستان الأبيض
الفستان الأبيض الطويل الكبير اللى فى حلم كل بنت.. ما تقوليش أن ممكن بنت ماتكونش فكرت فى فستانها الأبيض اللى حيمسكهولها بنات حلوة كتير وهى تبقى أحلاهم.
مافيش بنت فى الكون ما حلمتش بالفستان الابيض وفارس الأحلام اللى بحصان ابيض حتى لو كانت بنت بتفكر وعارفة إن كل الكلام ده احلام مش واقعية أصلا و مالهاش أساس من الصحة وانها مجرد شوية كلمات ومصطلحات ما تقربش للنضوج فى حاجة! بس برغم كده بتسيب انوثتها وساجيتها ينطلقان وتحلم.
كل بنت جه عليها يوم ورمت نفسها على السرير وحطت أيدها ورا رأسها وغمضت عنيها وسرحت فى حلمها الأبيض البسيط حلمت بالفرحة حلمت بالسعادة..فى بنت حلمت بالفستان الأبيض وأيدها متشعلقة فأيد حبيبها وفى اللى أتمنت فى فستانها الآمان والراحة وفى اللى شايفة أن فستانها الأبيض طوق نجاة.
وفى اللى حلمت بالفستان وفارس الأحلام من قبل ما يتوجد أصلا فى حياتها وفى اللى حلمت بالفستان الأبيض وهى عاجزة أنها تلبسه.. واللى فستانها كان من مستحيلات حياتها وفى ناس فستانهم كل أحلامهم. هو دا الفستان الغريب نفس اللون ونفس الفستان وحلمة مختلف.
اصل فى فستان فرحة.. وفستان رغم لونه فيه حزن الدنيا!!
فى بنات بتختار فستانها، وبتختار فارس أحلامها وفى بنات بتختار فستانها لفارس أحلام غيرها.. وفى بنات مابتخترش حتى فستانها !وفى بنات ناعيين هم اليوم ده! وكل ما اليوم ده ما يقرب.. كل ما الهم فوق دماغها يزيد. بنت ابوها ما بقاش موجود وناعية هم اليوم اللى حتحس فيه بجد انه مش معاها!
وفى بنت امها مش معاها وناعيه هم اليوم اللى حتبقى محتجاها جنبها!! مش عايزاه يجى علشان ما تحسش باحتياجها!!
وفى بنت مستنية اليوم ده يجيى علشان نفسها تشوف فرحتها فى عين ابوها وامها! وفى بنت حتلبس فستانها لحب حياتها وفى بنت حب حياتها ضاع فى بنات بسمتها مكسورة.. وبنات ضحكتها بترسم فرحة اليوم كله!
وبنات امنيتها راحت. وبنات تانيه بعد الأمنيات اللى راحت قدرت تلاقى أمنية جديدة وبقى عندها فستان ابيض منور تانى فى حياتها!
كلها فساتين منها سعيد منها تعيس يمكن الفرحة فى الأفراح والاحتفلات موجودة بشوية طبل وزمر ومزيكا صوتها عالى !!بس ماحدش بيفكر يشوف الفرحة اللى فى الدنيا دى موجودة فى قلب البنت العروسة.. ولا قلبها حزين مكسور أو يمكن خايف مرعوب!!
العروسة مش لعبة ولا شكل جميل وخلاص لا دى انسانة!!
كلمة لكل بنت اوعى يجى عليكى اليوم ده وانت حزينة اوعى يجى عليكى اليوم ده وأنتِ مش لاقيه فى قلبك فرحة تطلع ببسمة حقيقية مش مرسومة.
اوعى تلبسى فستانك وقلبك مكسور.. اوعى تلبسى فستانك اجبار ولا قلة حيلة.. ولا تقولى اهة جوازة والسلام.. لا دى حياتك!! لازم تعشيها كويس.. لازم تعشيها ذى ما بتتمنيها.. اوعى فى يوم تفكرى تتخلى عن حلمك!
اوعى فى يوم تنسى حلمك اللى حلمتيه وعنيكى مغمضة على سريرك. اوعى تنسى ان اليوم ده ابتسامتك لازم تكون ذى الابتسامة لما كنت بتتخيلى حلمك الجميل.
لو يوم ضاع حلمك وحبك وضاع منك كل حاجة دورى على حلم جديد يملا حياتك. اتمسكى بيه.. المهم تفرحي، المهم فستانك يبقى بابتسامة حقيقية مش مرسومة وبفرحة من قلبك وماتبقاش مزعومة.
كتبتها: مارى أديب: طالبة بكلية تجارة قسم اللغة الإنجليزية تهوى الكتابة لأنها تمنحها فرصة للتعبير عما يدور بداخلها وتشارك فى طرح المشكلات التى تعانى منها بنات جيلها. تحلم مارى بأن يجمعها الله مع من اختاره قلبها وصدق عليه عقلها ليلون حياتها بالحب الذى لطالما حلمت به منذ طفولتها.
نصائح عند اختيار الفتيات ملابس الشتاء
بعض الناس يعتقدون أن فصل الشتاء هو الكارثة الذى يحتاج إلى تدخل الموضة سنويًا، بعض الناس يحبون فصل الشتاء لأنها الأكثر راحة وملائمة لارتداء زوج جديد من الأحذية ومعطف مألوف، ولكن ما إذا كنت تحب ذلك أم لا، نحن بحاجة فقط لتحديث خزائن الشتاء لدينا ومعرفة أزياء الشتاء المناسبة لكى.
شكل الجسم:
إذا لم تختارى النوع المناسب من الملابس والأزياء فى الشتاء التى قد تجعلك تبدين أنحف، تأكد من اختيار الملابس التى تساعد على تحقيق التوازن فى شكل الجسم مثل اختيار المعطف طويل القامة مع الجينز وهنا تبدو المرأة أطول قامة .
طبقة الملابس:
أفضل طريقة للحفاظ على الاناقة والدفء فى الشتاء هو ارتداء الملابس العديدة الطبقات، و لكن إذا كنتى بدينة قليلا وقوية البنية، كونى حذرة للغاية و ينبغى أن يكون معطفك اكثر عصرية. إذا كنتى تبحثى عن نمط أكثر بساطة يمكنك إضافة على ذوى الياقات الفراء فى أعلى معطفك الأسود لإلقاء نظرة أكثر إثارة للاهتمام.
فقط إضافة اللون:
من يقول أن الألوان ليست سوى لموسم الصيف يمكن ان تجعلى الأزياء الخاصة بالشتاء ان تبرز من خلال الآخرين عن طريق إضافة الألوان للملابس الخاصة بك حسنا، لا يزال الأسود اللون الساخن لفصل الشتاء، ولكن يمكنك إضافة ألوان جريئة أخرى مثل الأرجوانى أو الأحمر فهما مذهلين حتى خلال فصل الشتاء.كما يمكنك التفكير فى ثوب أحمر قليلا بدلا من فستان أسود حتى فى فصل الشتاء. وإن كنت ترتدين معطفًا لطيفًا والحفاظ على نفسك الحارة طوال الليل فإن الأرجوانى هو لون آخر رائع لهذا الشتاء، أعتقد ذلك من خلال معطف بنفسجى تحسين مظهرك، وأيضًا من خلال إضافة بعض الاكسسوارات مثل الأوشحة، والأقراط، والقبعات والأحذية.
حكايات النساء فى أول يوم شغل
طرحنا على صفحتنا الخاصة على الفيس بوك مناقشة حول آراء البنات بشأن الخروج للمشاركة فى سوق العمل وتحدثت إلينا البنات عن مشاعرهن عند خروجهن لليوم الأول للعمل.. وصفت رنا توفيق-محامية-اليوم الأول لها فى العمل بأنه يوم حافل بالمفاجآت وانتابها شعور بالآمل ورغبة فى بداية مشوار الحياة المهنية وبناء النفس وقالت"مهنة المحاماة جيدة تفتح المجال للتعامل مع الكثير من أطياف المجتمع ولكنها شاقة بالنسبة للفتيات بعض الشيء وأضافت"كنت خايفة ومش عارفة هفشل ولا هنجح ولا هعمل إيه".
أما منى محمد ،مترجمة، أنها كانت تنتظر اليوم الأول لها فى العمل بفارغ الصبر وكانت تشعر بسعادة بالغة وقالت"أول مرة رحت فيها الشغل فى حياتى كنت فرحانة جدا وقولت الحمد لله هتعلم واشتغل. "وأشارت إلى أن أكثر ما حرصت عليه منذ اليوم الأول لخروجها للعمل هو اكتساب الخبرة وتعلم الاندماج فى الحياة المهنية والتعامل مع الناس معاملة طيبة ولكن مشكلتها الأساسية كانت فى التعامل مع الشباب فى العمل وقالت "أنا كنت بخاف أتعامل مع الشباب أو للدقة مكنتش بتعامل معاهم حتى طيلة فترة دراستى بسبب إننى خجولة".
بينما قالت سعاد عادل- منسق برامج شركة سياحة - "كنت خايفة وأشعر بالتوتر والقلق"وأوضحت سعاد أن خوفها كان نابعا من أنها انهت مرحلة التعليم وخرجت للحياة العملية وهو ما يعد مرحلة مختلفة وجديدة وقالت نانسى بطرس - خريجة كلية آداب قسم دراما ونقد مسرحى - أن أول يوم لها فى الاشتراك فى عمل بالمسرح كانت تشعر بالخوف والرهبة وكانت تحاول التعرف على أجواء العمل خاصة التعامل مع الأشخاص الجدد وقالت نانسي"فى ناس ساعدونى ووقفوا جنبى وكنت بتعامل معاهم بسهولة وناس ثانية لا.."وأكدت رغبتها فى تكرار تجربة العمل هذه مرة اخرى.
