إيه كل الملايين دي؟!

إيه الملايين دي؟ والرئيس المخلوع وفقاً لأرقام الأجانب ثروته في أوروبا بالمليارات، يعني حاطط اللي أخذه كله في بنوك أجنبية.. يبقي رئيس إيه؟ كان المفروض يحط كل اللي أخذه في البنوك المصرية.. هو مش رئيس مصر.. راح بره ليه؟ ملوش حق.. لو حطها هنا كان سهِّل علينا الأمور وكنا أخذنا فلوسنا ويا دار ما دخلك شر.. لكن الظاهر إنه بيحب البهدلة والتحقيق والسين والجيم والنوم في مستشفي شرم الشيخ.
طبعاً الأرقام دي مجرد غرامات.. ومجرد حسابات مبدئية.. لكن ما خفي بالتأكيد أعظم.. لما كل الفلوس دي معاهم.. أُمال البلد عامله ليه كده؟! ليه بيجيبوا الدقيق الأسود، وليه بيستوردوا البضاعة »المضروبة«؟ ليه كل ده.. همه ما عندهمش مخ؟ يمكن!
المهم اللي مخليني افتكر الملايين المسروقة واستعجب انها موجودة كمان في الكورة.. ازاي مسئولو الزمالك يوافقوا علي عقد شيكابالا ب43 مليون وهمّه ما عندهمش مليم في حسابهم.. عم ممدوح عباس له ديون علي النادي تلال ومرتضي ياما دافع.. ده غير اللي ما نعرفوش.. كيف تطاوعهم قلوبهم وأياديهم وألسنتهم علي النطق بالملايين.. يمكن يقصدوا بالملايين ملاليم.. يمكن.
كان هيجري إيه يعني لو كان التعامل مع اللاعبين بالمرتبات.. هيجري إيه يعني لشيكابالا أو غيره لو ياخذ مرتب 01 ولاّ 02 ألف جنيه في الشهر، وياخد كمان مكافأة نهاية خدمة 002 ولاّ 003 ألف جنيه ولاّ حتي مليون.. الفترة اللي انفتحت فيها مصر علي البحري خربت الدنيا.. تحول الاحتراف إلي انحراف.. وترجموا الانحراف إلي اغتراف.. طبعاً ما هي الدنيا كانت سايبه.. الرئيس شغال من ناحية.. والباقي شغال زي السوس.. طبيعي إذا كان رب البيت بالدف ضارب.. فشيمة أهل البيت الرقص.. والجماعة الكبار كلهم »رقاصين«.. وعجبي!