بالفيديو.. السيسي: «عايزين نحل مشكلة العمالة ده خاطر ربنا كبير»

قال عبدالفتاح السيسي، اليوم الخميس، «فكرة العمالة اللي ملهاش دخل ثابت حتى عند إصابة العمل في الفترة دي العامل ظروفه بتكون صعبة، حلنا جزء من المسألة»
وأضاف خلال تدشين مدينة العلمين الجديدة: «بحب ضمان تحقيق النتائج، لو النهاردة وزارة الإسكان متعاقدة مع شركات والهيئة الهندسية متعاقدة من الشركات، وإجمالي هذه الشركات مثلا 1000 شركة العاملين قد يصلو 2 مليون مقدرش أخد 500 جنيه ومش عايز أفرض حاجة، مقدرش أقول ال1000 عامل الموجودين في الشركة دي يدفع لهم ل2.5 مليون جنيه من الشركة دي مركزي وهو هيخدهم من العمال الموجودين معاه على مدى زمني مناسب كل شهر، كل العمال اللي في الشركة ضمنت أن متأمن عليها بشهادة أمان بأعلى رقم».
وتابع: «خلال 15 يوما، 2.5 مليار يتحطوا في البنوك عملت وثيقة تأمين لمليون عامل، ليه مبتحلموش بالقوة دي، ليه إية دا نص مليون في شركة بتشغل ب50 مليون و100 مليون، لا ليه، أوعى حد من رجال الأعمال يزعلوا مني، بالمناسبة أوعو تصور أن الأجر فقط في الصلاة والصوم والحج والعمرة، تأمين حياة إنسان بسيط له أجر، اعتبر المبلغ دا صدقة جارية».
وذكر: «كان ممكن منبقاش في الوضع الأمن دا وكل اللي عندنا في مهب الريح، شوفنا نماذج ناس كانت أمنة مطمنة ومبقتش، ربنا حمانا وعفانا من كده، عايز مبلغ للمليون خلال 15 يوما، ازاي بقى يا كامل يا وزير فين الهيئة الهندسية، سلم المبلغ للبنوك وتتعمل الوثائق لوفيه مشكلة قولي، وزارة الإسكان شغالين معاكوا 2 مليون ب2.5 مليار أو 5 مليار جنيه، الوثيقة اللي بتكلم عليها لو الحد الأقصى لكل الناس 2500 فيه مشكلة لشركات التأمين»، رد محافظ البنك المركزي: «مفيش مشكلة».
وأضاف السيسي: «الشركات تعمل قائمة بأسماء العاملين ويتم اعتماد القوائم ويتم تسلميها للبنك المركزي وتتعمل الوثيقة ويتم تسليمها للشركة والمواطن المعني».
وأردف السيسي قائلا: «خاطر ربنا خاطر كبير أوى ياريت نعمل حاجة لأجل خاطر ربنا، بنعمل حاجات كتير أوي بنزعل على العمرة والحج دا إسعاد الناس ده أجره كبير أوي».
المستشفيات
إلى ذلك طالب السيسي، الخميس، الجمعيات الخيرية بالاهتمام بالمستشفيات، موجهًا حديثه للجمعيات الخيرية: «خد مستشفى أو 2 معندناش مشكلة ديرها، بقول لديكم فرصة، والناس تثق فيكم، وإحنا بنثق فيكم، كل جمعيةا لديه القدرة تاخد مستشفى أو 2 وتديرها».
وأضاف السيسي: «الجمعيات الخيرية كالأورمان ومصر الخير متقدرش تبقى موجودة في الموضوع دا تغظي شرائح مش عارفين نوصلها هل دا ممكن أو لا».
ورد اللواء ممدوح شعبان، مدير جمعية الأورمان: بأدعو سيادتك لزيارة شفا الأورمان بالأقصر صرح يليق بالمصري، صرح طبي مجانا 100%، والتبرعات بتزيد، بكرة أحسن، فيما رد السيسي:«مستعد افتتح المستشفى، ودا شئ يشرفني أي مستشفى تقوم بعمل كبير بشكل خيري عمل يسعدنا كلنا، بكمل كلامي إدارة المستشفيات لم تصل للمستوى المرضي اللي يقدر ياخد مستشفى أو 2 يديرها أن مستعد».