الحيادية

اذا كنت عاوز تبأه اخواني وسلفي وليبرالي وعلماني ووسطي وكل الاطياف في وقت واحد وبشهادة الشهود يبأه
خليك على الحيادية لما تفكر في كل حاجة بتحصل بطريقة حيادية بتبصلها من كل الجوانب هتلاقي نفسك في الاخر بتتهم بحاجات كتير جدا مرة اخواني ومرة سلفي ومرة .. و ... و... وانت اساسا مش باصص لاي طائفة من دول انت هو انت شايف كل حاجه بمنظورك انت من غير ما تنتمي لاي حاجه
دلوقت كل واحد بيحب فئة معينة "بيقدسها" شايفها مقدسة مبيجيش عندها حتى لو غلط يقول عليها آمين والباقي كلو شايفو غلط وشايفو ميفهمش حاجه "ده على اساس ان ربنا خلقله هو عقل والباقين .... " للاسف الناس اللي بتفكر فكدا بيثبتو لنفسهم ان معنهدمش عقل عندهم ......
وده وضح جدااااااا لما مرسي بأه رئيس في اللي كل حاجه بيعملها الله ده عمل كذا سبحان الله ده معجزه لو حد غيره مكنش قدر يعمل كدا ودول معروفين جدا لينا من قبل ما يبأه مرسي رئيس
وناس تانيه بأه كل حاجه بيعملها مرسي والحكومه الجديده دول ولاد...... دول شوية ...... مبيفهموش حاجه وهيبوظو البلد مالنا كان شوية حرامية ماسكينا ومظبطين الدنيا ودول برضو معروفين من قبل ما مرسي ما يبأه رئيس وكانو هيمارسو نفس الاسلوب لو كان اي حد تاني بأه رئيس منتخب بخلاف طبعا مرشحين الفلول
وناس تالته بأه هم اخترهم هم اللي خمونا بجد هم اللي كنا بنشجعهم ودلوقت بيدورو على اي خطأ بيحصل على اي حاجه عشان توقع مرسي او توقع اي عدو ليهم ولاهداف اللي بانت اوي انها بأت اهداف سلطاويه عاوزين يتحكمو في كل حاجه بمعنى آخر "يافيها يا اخفيها" وللاسف في ناس كتير ومثقفين كتار لسا ماشين وراهم وهم معميين فيهم وللاسف الفئه دي اختر فئة ولو منتهمتش هتمدر الوطن كله بجشعهم وطمعهم الفئه دي بتحول اي حاجه حلوه لوحشه بتقنعك انها وحشة ديما مبيشفوش حاجه حلوه ودول حسبي الله ونعم الوكيل فيهم
من الاخر خليك حيادي مهما حصل متسمعش لحد من دول ركز في كل حاجه بتحصل قبل ما تنقض وقبل ما تأيد لو انت منتمي لفكر معين ركز في كلام الناس اللي بتقود الفكر ده وفكر ومتخليش ثقتك فيهم تعميك عن الحق مهما كان اللي قدامك فهو مش "نبي" معصوم عن الخطأ كل حاجه بيقولها اكيد مش صح فياريت تفكر وهو طبعا مبينزلش عليه الوحي عشان يشكك في اي حد ولا يعرف الغيب ولا هو مكلف من ربنا ان يقود البلد دي
وفالاخر اتأكد ان ربنا مش هيسيب حق حد وان ربنا بيعمل الخير لينا بس احنا يكون عندنا ضمير وحيادية