شاهد.. إعلام السيسي يتهم ثورة يناير بتشجيع الشذوذ

شن إعلاميون هجوما حاد على حفلة مشروع ليلى بالتجمع الخامس، والتي تم رفع علم المثلية الجنسية بها، حيث طالبوا النظام بمنع هذة الحفلات، ومعاقبة منظمي الحفلة، فيما استغل بعض الإعلاميين الموالين لعبد الفتاح السيسي الحدث في مهاجمة ثورة 25 يناير واتهامها بتشجيع الشذوذ.
سيد علي: الشذوذ من أيام 25 يناير
وانتقد مقدم البرامج سيد علي، مساء السبت، إقامة حفل لفرقة «مشروع ليلى»، بالتجمع الخامس، بعد رفع علم المثليين من قِبل بعض الحاضرين. قال علي، خلال تقديمه برنامج «حضرة المواطن»، عبر فضائية «الحدث اليوم»: «الناس اللي بيقولوا إن دي حرية شخصية شوية مُخنثين، ده كلام سخيف ورخيص ولا يصح، الكلام ده مفيش فيه حرية».
أضاف: «قوم لوط ربنا خسف بهم الأرض بسبب المثلية، يجوا يعملوا حفلة زي دي في مصر إزاي؟ ملعون أبو الحرية الشخصية اللي بتضرلنا شبابنا، دول شوية شواذ وبندلع الكلمة ونقول مثليين».
تابع: «ما حدث سفالة وقلة أدب وانحطاط، أولياء أمور معرفوش يربوا أولادهم، المجتمع بدء يخاف وينافق السفلة والشواذ من أيام 25 يناير بداعي حرية التعبير».
واستغل على الحادث في مهاجمة ثورة يناير قائلا: « منذ ثورة يناير المجتمع قعد يطبطب على مجموعة من الشواذ السياسيين وقعد الكل يقولك هذه حرية تعبير ولما قلنا مصر بتنهار الدنيا اتفتحت علينا من هؤلاء الشواذ».
أحمد موسى: فين شرطة الآداب
ورفض أحمد موسى، رفع علم المثليين في حفل غنائي بالتجمع الخامس لفرقة «مشروع ليلى»، متسائلًا: «هل مسموح في مصر برفع علم الشواذ؟».
وأضاف موسى خلال برنامجه «على مسؤوليتي»، على قناة «صدى البلد»: «نفسي أسمع تحقيق اتعمل كما لو كانت هذه الأرض مش ملك مصر، ولا يوجد أحد في مصر فوق القانون، والدولة تطبق القانون على الجميع».
وأضاف موسى قائلا: «الدول العربية رفضت تنظيمه، إزاي نسمح بالمسخرة والسفالة دي في مصر»، متسائلا: «إزاي علم الشواذ والشذوذ يترفع في حفلة قدام كل الناس، وملاقيش لحد دلوقتي إجراء اتاخد ولا حد زعق على الوقاحة اللي تمت في مصر.. فين شرطة الآداب من اللي بيحصل ده؟».
الديهي: باسم يوسف السبب
كما شن نشأت الديهي، هجومًا حادًا على باسم يوسف بعد الحفلة، مضيفا خلال برنامج «بالورقة والقلم»، المذاع عبر فضائية «ten»، أن باسم يوسف يرعى ثمرة الشواذ جنسيًا في مصر، متسائلاً: «كيف تم السماح لهذه الفرقة للدخول إلى مصر؟ أين نقابة المهن الفنية؟.
وتابع الديهي، «هو أي حد عاوز يخش مصر يعمل حفلة يدخل كدة عادي»
الغيطي: سلوك خوجات
وانتقد محمد الغيطي، إقامة حفل لفرقة «مشروع ليلى»، بالتجمع الخامس، بعد رفع علم المثليين من قِبل بعض الحاضرين، قائلًا: «دول شوية عيال ملعوب في أساسهم».
وقال الغيطي، خلال برنامجه «صح النوم»، عبر فضائية «LTC»، «هما موجودين، وشغالين في الضلمة، وفي جرائم كتير مرتبطة بأخلاقياتهم من إدمان وقتل وغيره، كل واحد حرّ في نفسه، بس متقوليش إن دي حرية شخصية».
وأضاف: «ده سلوك خواجات مش مصري أبدًا، مينفعش ده يحصل في بلدنا، ونقابة الموسيقيين تقولك ملناش دخل بالجمهور! إزاي يعني؟ الحلفة تُقام أبدًا في البلد إزاي؟»
كما اندلعت مشادة بين وائل الإبراشي – مقدم برنامج «العاشرة مساءً» – وشاب من المثليين المشاركين في حفل «مشروع ليلى» يُدعى فريد رمضان.
وقال «الشاذ» ل«الإبراشي» : «انتوا ممكن تكونوا شايفينا ناس فاسدة وعبدة شيطان بس دة مش حقيقي .. احنا مش بنطلع لساننا لحد ولا بنستفز حد .. احنا بنحاول نوصل وجودنا .. احنا مثليين جنسيًا موجودين في مصر .. احنا كتير منا حاول يتعالج لما كنا فاكرين إنها مشكلة فعلًا و رحنا لعدد كبير جدًا من الأطباء وكانوا بينصبوا علينا وبياخدوا منا فلوس وفي الآخر اتصالحنا مع نفسنا وعرفنا إنه مش مرض وإن المثلية مالهاش علاقة بكل اللي بيتقال في المجتمع .. والميل الجنسي معترف بيه من منظمة الصحة العالمية إنه مش مرض وإنه معترف بيه زيه زي الميول الغيرية .. زيي زي حضرتك زي أي حد .. مش ميول انحرافية .. احنا حاولنا نحارب نفسنا واكتشفنا إننا مش بنعمل حاجة غير إننا نقتل نفسنا».
ورد الإبراشي قائلًا: «المشكلة هنا بدأت بالإعلان عن نفسكم بهذا الشكل .. وترفعلي علم المثليين .. يا أخي ارفع علم مصر ارفع علمًا نتباهى ونفخر بيه .. كلامك قضية مجتمعية محتاجة نقاش بس انتوا ضد المجتمع .. قولي ايه فلسفة رفع العلم ده».
و رد الشاذ : «هل أنا فخري بنفسي فيه اعتداء على حرية الآخرين؟»: .. و رد الإبراشي: «أنت عايز تقول للمجتمع إن المثليين موجودين واعترفوا بدة ؟ .. أنا بناقشك في مشهد وانتوا بترفعوا العلم في تجمعات».