كيلو الدواجن يقفز ل25 جنيه.. وتجار بالمنوفية: اتخرب بيتنا وما فيش بيع

شهدت أسعار الدواجن واللحوم الييضاء بمحافظة المنوفية ارتفاعًا هائلا، حيث قفز سعر كيلو الدواجن البيضاء من 22 جنيها للكيلو إلى 25 جنيها خلال يومين فقط، فيما قفزت أسعار الدواجن الحمراء 3 جنيهات مرة واحدة ليباع بسعر 28 جنيها للكيلو.
وفى لقاء ل"رصد" مع اصحاب المحلات وأصحاب المزارع، أكد العديد من التجار على أن سبب هذه الزيادة المفاجئة هو تقصير من الحكومة والمسؤولين فى ضبط الأسعار والرقابة عليها، فيما أشار بعضهم إلى أن السبب يرجع إلى ارتفاع أسعار الأعلاف.
وصرح ثروت شاهين صاحب مزرعة دواجن ل"رصد" قائلا :" من فترة بسيطة كنا بنشتري علف الصويا المستوردة بأربعة آلاف جنيه للطن، لنفاجأ أن أسعارها ارتفعت فى غضون أيام قليلة إلى سبعة آلاف جنيه، والذرة الصفراء تخطت الثلاثة آلاف جنيه بعد أن كان سعرها منذ أيام 1800 جنيه"، وأضاف "اضطررنا أنا والعديد من أصحاب المزارع لإعدام عدد كبير من الكتاكيت لأننا نعلم أن تسمينهم وتكبيرهم سيعود علينا بالخسارة".
فيما أكد عوض محمد صاحب محل للدواجن :" اتخرب بيتنا والناس بطلت تشتري، أقل فرخة الآن سعرها بعد ارتفاع الأسعار تعدي ال 60 جنيه، والناس اللي كانت بتشتري فرختين وتلاتة، أصبحت بتشتري فرخة واحدة وممكن مفيش، دلوقتي التقفيصة فاضية وبنشتري من الموزع قفص بقفص لقلة الإقبال على الشراء بعد ارتفاع الأسعار"، مستطردًا "إحنا اتخرب بيتنا والحكومة ودن من طين وودن من عجين ".
وتساءل أحمد شكري قائلا: "إحنا عاوزين نعرف إحنا هنعيش إزاي.. وليه الحكومة مش بتعمل ضبط للأسعار".
وتابعت سمية محمود: "الأسعار نار والناس هتجيب منين والفقير واللي بيشتغل باليومية مالوش غير ربنا"، مضيفة: "أهو إحنا ماشين على أد حالنا، ولو كنا بنشتري فرخة في الأسبوع بقينا نشتريها كل أسبوعين، وأضافت سعر الدواجن وصل ل25 جنيه بدلا من 12 و15 جنيه، يعني أقل فرخة تعديال 50 جنيه، والناس مبقتش عارفة تعيش".
وأردف ياسر سعيد قائلا : "أنا شغال عامل في مدرسة وعندي 4 من الأبناء وأنا وأمهم، ومبقناش عارفين نعيش، وقولنا السيسى هيفرجها علينا وهنعيش وناكل ونشرب زى البني آدمين، بس للأسف جوعنا أكتر من الأول ومبقناش لاقيين حتى العيش الحاف"، مؤكدًا على مناشدتة الحكومة للاهتمام بالمواطنين خاصة الفقراء منهم، وتوفير السلع الغذائية بأسعار مناسبة وزيادة الدعم لمحدودي الدخل".