بالفيديو.. أمين شرطة يضرب سيدة بالمترو لرفضها ركوب رجل في عربة السيدات

تداول رواد مواقع التواصل الاجتماعي، مقطعًا مصورًا قالوا إنه لأمين شرطة يضرب سيدة، بعد أن رفضت ركوب رجل في عربة سيدات مترو الأنفاق، ثم تعتقلها قوات الأمن؛ حيث أظهر المقطع أمين الشرطة وهو يصفع السيدة على وجهها، داخل إحدى عربات المترو، وهي تصرخ، ثم يأتي عدد من قوات الأمن، وأنزلوا السيدة من المترو، ودفعها أحدهم بقوة أمامه.
وخلال مقطع الفيديو، ظهر وجه أمين الشرطة جيدًا، ويدعى محمود، بحسب نداء بعض زملائه له، كما سب السيدة ببعض الشتائم واتهمها بالجنون، وأصر على إنزالها من المترو.
سيدة في المترو رفضت ركوب رجل في عربية السيدات، لكن أمين الشرطة عمل فيها سبع وضربها، وطبعًا من شيم البلطجية ضرب السيدات،...
Posted by أحمد جمال زيادة Ahmed Gamal Ziada‎ on‎ 2 فبراير، 2016
وانهالت التعليقات في موقع التواصل الاجتماعي "فيس بوك" المهاجمة لرجال الشرطة من الاعتداء على السيدات، مطالبين بوضع حد لهذه الاعتداءات والإهانات، فيما وجه بعضهم اللوم للرجال الذين شاهدوا الموقف دون تدخل، وكان من بين التعليقات:
أحمد جمال زيادة: "سيدة في المترو رفضت ركوب رجل في عربية السيدات، لكن أمين الشرطة عمل فيها سبع وضربها، وطبعًا من شيم البلطجية ضرب السيدات، يعني مش حاجة جديدة عليهم، المهم إنه في النهاية الأمن حب يخلص الموضوع فاعتقل السيدة في نهاية الفيديو.
أمين الشرطة وشه واضح جدًا لو النيابة هتهتم يعني، الفيديو منقول من جريدة "الوطن" اللي بتحب الداخلية أوي، شيروا الفيديو متسبوش حق الست دي".
عماد أبو يوسف: "يعني إيه مش من مصر؟ مفيش شرطة في أي حته بتلبس لبس زينا، وبعدين في متروهات لسه جديدة ولو ركزت شوية تتعرف أنهم مصريين الكلام باين، وبعدين فين الرجالة لما حيوان زي ده يضرب الست والكل بيتفرج عليه حتى لو غلطانة في قانون".
Monty Nasr: "نفسي أعرف الكائنات اللي بتنفي الفيديو وبتدافع عن الشرطة بتنتمي إلى أي فصيلة وأي كوكب؟ بجد.. أنتم في نظري أوسخ وأقذر وأجبن من هذا الأمين البلطجي- وأنتم سبب تطاولهم على المصريين".
Hadeer Azab: "تفاصيل إيه وقرف إيه وحتى لو مكانش ده سبب ضربها وحتى لو كانت سرقت دي لو قتلت مش من حقه يمد إيده عليها إيه القرف ده".
Ahmad Hassan: "بلد بنت.. قسمًا بالله، أيًا كانت هي مين ولا قالت إيه بتمد إيدك عليها ليه يا ناقص؟، فعلًا لما تبص وتشوف إن الأشكال دي اللي بتحكم البلد وإن الأشكال دي اللي في جهات سيادية هاتعرف إحنا وصلنا لفين، عمالين نقع من نظام.. لنظام.. ربنا يتوب علينا.. وطبعًا مش هايحصل حاجة.. وماحدش حياؤه هايتخدش".