تداول فيديو عن "سحل" أمناء شرطة لشاب بمحطة مترو دار السلام

تداول نشطاء على موقع التواصل الاجتماعي "فيس بوك"، تسجيل فيديو لأحد أمناء الشرطة يعتدي على مواطن بالسحل والضرب والسب بالأم.
وزعم مصور الفيديو، أنه تم تسجيل الفيديو على رصيف محطة مترو دارالسلام، حيث "كان في مجموعة من الشباب تعاكس خطيبة الشاب ده وراحت تستنجد بعسكري تأمين المحطة والعسكري رفض يحميها ولما جه خطيبها كانوا الشباب مشيوا، وراح يلوم العسكري وحصلت ما بينهم مشادة ومسكوا في بعض وباقى عساكر المحطة لما شافوه المنظر انهالوا على الشاب بالضرب، ولما جه كبير عساكر المحطة عشان يراضى الشاب الذي صمم على رفع بلاغ ضد العسكري راح جه أمين شرطة يسأل الشاب ايه الدوشة اللى انت عمالها دى راح الشاب حكاله الحكاية راح أمين الشرطة قالها أنت عاوز إيه دلوقتى الشاب قال أعمل محضر ضد العسكري، قاله مفيش محاضر هتتعمل الشاب قاله خلاص أنا مش همشى من المحطة غير لما حقى يجى، راح أمين الشرطة شتم الشاب بأمه وضربه بالقلم قام الشاب زعق في أمين الشرطة وقالها متشتمش أمى وبعدين أنت بتمد أيدك عليا ليه ده مش من حقك فشدوا مع بعض لحد ما وصل الأمر لكده".
واحتوي الفيديو على بعض الألفاظ الخارجة التي تحفظت "البوابة نيوز" على بثها حرصًا على القراء.