بالفيديو.. أمين شرطة يسحل شابا على رصيف المترو ويضربه ب"الشلاليت"

تداول رواد شبكات التواصل الاجتماعي، فيديو يُظهر أمين شرطة يعتدي بالضرب على شاب، وقال ناشر الفيديو إن الواقعة كانت على رصيف محطة مترو دار السلام في الثامنة من مساء الإثنين الماضي.
"عبدالعاطي"، ناشر الفيديو في قناته التي تحمل اسمه على "يوتيوب"، قال: "كان في مجموعة شباب بتعاكس خطيبة الشاب ده وراحت تستنجد بعسكري تأمين المحطة والعسكري رفض يحميها، ولما جه خطيبها كانوا الشباب مشيوا، وراح يلوم العسكري وحصلت ما بينهم مشادة ومسكوا في بعض وباقي عساكر المحطة لما شافوه المنظر ده انهالوا على الشاب بالضرب".
"كان في مجموعة شباب بتعاكس خطيبة الشاب ده وراحت (الفتاة) تستنجد بعسكرى تأمين المحطة والعسكرى رفض يحميها ولما جه خطيبها كانوا الشباب مشيوا وراح يلوم العسكرى وحصلت ما بينهم مشادة ومسكوه فى بعض».
وأضاف عبدالعاطي: "لما جه كبير عساكر المحطة عشان يراضي الشاب بعد ما الشاب ما صمم إنه يرفع بلاغ ضد العسكري راح جه أمين شرطة وبيسأل الشاب إيه الدوشة اللي أنت عاملها دي، راح الشاب حكى له الحكاية راح أمين الشرطة قاله إنت عاوز إيه دلوقتي، الشاب قاله أعمل محضر ضد العسكري".
وتابع: "أمين الشرطة قاله مفيش محاضر هتتعمل الشاب قاله خلاص أنا مش همشي من المحطة غير لما حقي يجي"، مواصلًا ناشر الفيديو: "راح أمين الشرطة شتم الشاب بأمه وضربه بالقلم، قام الشاب زعق في أمين الشرطة وقاله (متشمش أمي وبعدين أنت بتمد أيدك عليا ليه ده مش من حقك)، فشدو مع بعض وكل ده عشان الشاب عاوز حقه".