بالفيديو.."علقة سخنة" لشاب على يد أمين شرطة.. وشهود: طلب حماية خطيبته

تناقل رواد مواقع التواصل مقطع فيديو يظهر اعتداء أمين شرطة على شاب داخل محطة مترو السادات بالضرب والسب، وأظهر المقطع شخص بزي عسكري ينهال بالضرب والسب بألفاظ خارجة ضد الشاب فيما قال المعتدي بصوت جلي: "العسكري ماجابش حقك أنا هديك حقك بقى".
إلى ذلك، سرد ناشر الفيديو ب"يوتيوب" الواقعة في تعليق على المقطع جاء به: "كان في مجموعة شباب بتعاكس خطيبة الشاب ده وراحت تستنجد بعسكري تأمين المحطة والعسكري رفض يحميها ولما جه خطيبها كانوا الشباب مشيوا وراح يلوم العسكري وحصلت ما بينهم مشادة ومسكوه في بعض وباقي عساكر المحطة لما شافو المنظر ده انهالوا على الشاب بالضرب ولما جه كبير عساكر المحطة عشان يراضى الشاب بعد ما الشاب ماصمم أنه يرفع بلاغ ضد العسكري راح جه أمين شرطة وبيسئل الشاب ايه الدوشة اللى انتا عمالها دى راح الشاب حكاله الحكاية راح امين الشرطة قالها انتا عاوز ايه دلوقتى الشاب قالها اعمل محضر ضد العسكرى امين الشرطة قالها مفيش محاضر هتتعمل الشاب قاله خلاص انا مش همشى من المحطة غير لما حقى يجى راح امين الشرطة شتم الشاب بأمه وضربه".