بالفيديو.. مرتضى منصور: شريف إسماعيل فاسد والتغيير الوزاري فيه تهريج

هاجم مرتضى منصور رئيس نادي الزمالك، المهندس شريف إسماعيل رئيس الحكومة المُكلف، ووصفه ب"الفاسد"، وكان على علاقة بمحمد فودة الوسيط في قضية فساد وزارة الزراعة.
وقال منصور في مداخلة هاتفية لبرنامج "أسرار الملاعب" على قناة LTC- مساء السبت: "السياسة بقت كيمياء، والتغيير الوزاري فيه تهريج، مين شريف إسماعيل ده؟".
وأضاف: "من حق السيسي يغير، لكن ميجبش شريف إسماعيل اللي عين مراته في إنبي وعينت كل أقاربها في الشركة، وعملوا إنبي عزبة، وعمل مع محمد فودة 15 لقاء، أنا مش موافق على اللي بيعمله السيسي".
وواصل هجومه: "أنا بقول علناً أنا ضد هذا الرجل، وبقول عندي أسبابي لو غيرت علشان قضية فساد فودة فاسأل شريف إسماعيل قعد مع فودة كام مرة، راجع نفسك يا سيسي ومش عيب، مشكلة مبارك العند".
وقال : "أنا مليش مصلحة، لا تُعاند شعبك يا ريس، أنا وأنت هنتحاسب يا ريس قدام ربنا، اختيار شريف إسماعيل غلط وخطأ، لو الرقابة الإدارية مش عايزة تقولك، أنا أقولك على فساد هذا الرجل".