بالفيديو.. «مرتضى» للسيسي: شريف إسماعيل اختيار خاطئ

شن مرتضى منصور، رئيس نادي الزمالك، هجوما على المهندس شريف إسماعيل، رئيس الحكومة المٌكلف، ووصفه ب"الفاسد".

وقال منصور -في مداخلة هاتفية لبرنامج "أسرار الملاعب" على قناة LTC- مساء السبت: "السياسة بقت كيمياء، والتغيير الوزاري فيه تهريج، مين شريف إسماعيل ده؟، كان على علاقة بالوسيط في قضية فساد وزارة الزراعة محمد فودة".
وأضاف: "من حق السيسي يغير، لكن ميجبش شريف إسماعيل اللي عين مراته في إنبي وعينت كل عائلته في الشركة، وعملوا إنبي عزبه، وعمل مع محمد فودة 15 لقاء، أنا مش موافق على اللي بيعمله السيسي".
وواصل هجومه: "أنا بقول علنا أنا ضد هذا الرجل، وبقول عندي أسبابي لو غيرت علشان قضية فساد فودة فاسأل شريف إسماعيل قعد مع فودة كام مرة، راجع نفسك يا سيسي ومش عيب، مشكلة مبارك العند".
واستطرد: "أنا مليش مصلحة، لا تُعاند شعبك يا ريس، أنا وأنت هنتحاسب يا ريس قدام ربنا، اختيار شريف إسماعيل غلط وخطأ، لو الرقابة الإدارية مش عايزة تقولك، أنا أقولك على فساد هذا الرجل".
وأكد أنها المرة الأولى التي يختلف فيها مع الرئيس السيسي بعد اختيار شريف إسماعيل رئيسا للحكومة، مضيفا: "بختلف معاك يا ريس بمنتهى الأدب، واختلافي لا يقلل حبي ليك، وده اختيار خاطئ في وقت خاطئ".
شاهد الفيديو