متشائمة!!

كتبت : راندا فتحى ... فى اللحظات اللى مصر فيها على أعتاب مرحلة جديدة، واللى من المفترض أن تكلل فيها الثوره بالنجاح، من المنطقى جدا أن يكون الانسان متفائلاً ببكرة، لكنى للأسف متشائمة.. إزاى أكون متفائلة وأنا شايفة الأسعار بقت نار، ومافيش رقابة عليها من وزير التموين، وكمان الزبالة مالية البلد، ومافيش أى مسئول عاوز يأخد زمام المبادرة، ويحاول يخلصنا من المشكلة دى، إزاى أكون متفائلة وأنا شايفة أن الناس كلها راميين كل الحمل على الرئيس المنتخب اللى جاى، وفاكرين إن هو اللى هيصلح الكون، مع إن الإصلاح لازم يكون من جوانا، إحنا اللى لازم نراقب أنفسنا ومانعتمدش على المسئولين، إحنا اللى لازم نحب بلدنا ونقرر نخليها احسن، لو معملناش كده يبقى خلاص مش هيبقى فيه أمل.